Şêx Wesman Mihemed Emîn, Pêşmerge û rêheval Barzanî yê Yekîtiya Sovyetê, beşdarî Şoreşa Îlonê bû û di nav Pêşmerge de serpel bû, di 31’ê Tîrmeha 1983’an de di operasyona Enfalê ya li dijî Barzanîyan de ji aliyê hikûmeta Iraqê ve li komelgeha Quştepe hate windakirin.

Şêx Omer Mam Axa Mihemed, Pêşmerge û rêhevalê Barzanî yê Yekîtiya Sovyetê, di sala 1927an de li gundê Bolê ji dayîk bûye, li Komara Demokrat a Kurdistanê li Mehabadê pêşmerge bû, di Şoreşa Îlonê de beşdar bûye, di sala 2004 de koça dawî kir.

Sidîq Bexşî Ehmed, Pêşmerge û rêhevalê Barzanî yê Yekîtiya Sovyetê, di sala 1924an de li gundê Hesin Bekra ji dayîk bûye, di Şoreşa Barzan a Duyemîn de têkoşer bû, li Komara Demokrat a Kurdistanê li Mehabadê pêşmerge bû, di herdu şoreşên Îlonê û Gulanê de beşdar bûye, çend caran hatiye girtin, xwediyê madalyaya Barzanî ye, di sala 1998an de li Duhokê koça dawî kir.

Şerîf Leşkirî Husên, Pêşmerge û rêhevalê Barzanî yê Yekîtiya Sovyetê, di sala 1915an de li gundê Bêstrê ji dayîk bûye, beriya Şoreşa Barzan a Duyem, serhildêr bû, di Şoreşa Barzan a Duyem de têkoşer bû û di vê şoreşê de birîndar bûye, li Komara Demokrat a Kurdistanê li Mehabadê pêşmergeyê bû, di Şoreşa Îlonê de beşdar bûye û di nav Pêşmerge de serliq bû, di Şoreşa Îlonê de dema li ser kar bû di sala 1967 de koça dawî kir.

Salih Mihemed Mihê, pêşmerge û rêhevalê Barzanî yê Yekîtiya Sovyetê, di sala 1910 de li gundê Spîndarê ji dayîk bûye, di şerên li ser rêya Yekîtiya Sovyetê de birîndar bûye, di sala 1974an de li gundê Spîndarê koça dawî kiriye.

Silêman Ehmed Îsmaîl Omer, bi nasnav Silêman Ehmed Dolemerî, pêşmergeyê şoreşên Îlon, Gulan û Serhildanê bû, di sala 1967an de di 14 saliya xwe de tevlî hêzên Pêşmergeyên Kurdistanê dibe, di 15 Kanûna yekem a 2010an de, di kongreya 13. de, ji bo xizmet û çalakiyên wî ji aliyê Serok Mesûd Barzanî ve bi madalyaya Barzanî hat xelatkirin.

Leyla Fexreddîn Dağlî ku bi navê Leyla Zana tê naskirin, di 3'ê Gulana 1961'an de li gundê Baxçe yê Farqîna Amedê ya Bakurê Kurdistanê ji dayik bûye, diyasetmedara jin a Kurd û ji ber ku di parlementoya Tirkiyê de bi Kurdî axivî 10 salan di girtîgehê de ma. Di 21 saliya xwe de bi şaredarê berê yê Amedê Mehdî Zana re zewicî. Dayika du zarokan e û niha tu postên hikûmetê û partiyê negirtiye, Leylayê piştî zewacê xwe fêrî xwendin û nivîsandinê kiriye.

Helîme Ebdullah Ehmed, bi navê Dayika Helîme jî tê naskirin, di sala 1937an de li gundê Piştagirî yê ser bi devera Zawîte ya parêzgeha Duhokê ji dayîk bûye, hevjînê wê Fermandar Ebdulhadî Mihemed Saado, serliqê tabûra 4. a Mihemed Hesen Bajilûrî bû, di sala 1975an de Ebdulhadî li çiyayên pişta Duhokê şehîd bû, Dayîka Helîme tevî şeş kur û çar keçên xwe li gundê xwe ma û yek ji wan jinên fedakar û leheng e ku hevjîn û 4 kurên wê di rêya azadiya Kurdistanê de şehîd bûne...

Resûl Husên ku bi navê Hacî Axayê Kosretan jî tê naskirin, di sala 1901ê de li gundê Mêrge yê ser bi navçeya Gelale ya navçeya Çomanê ya parêzgeha Hewlêrê ji dayik bûye. beşdarî Komara Demokrata Kurdistanê li Mehabadê bûye, piştî rûxandina komarê vegeriya gundê Zêwke yê girêdayî Pîranşarê ya Rojhilatê Kurdistanê...

Ezîz Mihemed Ebdullah di 1ê Tîrmeha sala 1924an de li gundê Bêrkotê yê girêdayî Hewlêrê ji dayik bûye, bavê wî cotkarekî kurd ê hejar ê gundê Bêrkotê bû, dayika wî keça mela bû û ji Wanê û Elbakê (Başkale) hatibû Hewlêrê, dayika wî ji Bakurê Kurdistanê bû.

Amîne Mihemed Seîd Bêroxî, di sala 1930’an de li gundê Bêrox ê navçeya Rûbarok a girêdayî parêzgeha Colemêrgê ya Bakurê Kurdistanê ji dayik bûye, piştî Şoreşa Yekem a Barzan a sala 1932’an, ew bi malbata xwe re koçberî Başûrê Kurdistanê bûn û li gundê Xalone yê girêdayî navçeya Şêrwan Mezin ya navçeya Mêrgesorê ya parêzgeha Hewlêrê bi cih bûn, hevjînê wê Nacî Beg Şêx Omer tevlî Şoreşa Îlonê dibe û di hêza birayê xwe Hacî Bêroxî de bûye pêşmerge.

Endezyar û siyasetmedar Mihemed Mehmûd Ebdulrehman Xidir, ku bi navên Samî, Samî Ebdulrehman, Salih, Dara jî tê naskirin, di sala 1957an de endamê Komeleya Xwendekarên Kurd bû li Ewropayê, di sala 1966an de bû endamê Encûmena Serkirdatiya Şoreşa Kurdistana Iraqê, di Kongreya Heftemîn a ...