Resûl Husên ku bi navê Hacî Axayê Kosretan jî tê naskirin, di sala 1901ê de li gundê Mêrge yê ser bi navçeya Gelale ya navçeya Çomanê ya parêzgeha Hewlêrê ji dayik bûye. beşdarî Komara Demokrata Kurdistanê li Mehabadê bûye, piştî rûxandina komarê vegeriya gundê Zêwke yê girêdayî Pîranşarê ya Rojhilatê Kurdistanê û beriya ku Barzanî yê nemir ji Yekîtiya Sovyetê vegere Iraqê, li cem xizmên xwe ma, beşdarî çend şerên li dijî rejîma Iraqê bûye herwiha li dijî sûfiyên Şêx Reşîdê Lolanî jî şer kiriye.
Piştî ku Barzanî ji Behdînanê derbasî Soranê bû, Hacî Resûl yek ji wan pêşmergeyan bû ku di 11ê Tîrmeha 1962an de êrişî ser kela Rayetê kir û hemû leşker û şervanên di nava kelhê de girtin. Piştre beşdarî şerên Benî Herîr, Pira Binkêlanê û Kospe Spî ya li ser Rêya Hamilton bûye. Heta sala 1975ê pêşmergeyê Balekayetiyê û zêrevanê Mekteba siyasî bû li gundê Nawpirdanê.
Di sala 1975’an de piştî rûxandina Şoreşa Îlonê diçe gundê Kosretan û li wir dimîne, di sala 1977’an de bi malbat ve ji aliyê hikûmeta Iraqê ve ji bo Komelgeha Bestore ya Hewlêrê hat veguhestin, di sala 1979an de kurê wî Îbrahîm Hacî li çiyayê Girtalanê li gundê Kosratan ê navçeya Çomanê şehîd bûye, piştî şehadeta kurê xwe bi sê kur û xizmên xwe re di roja 12’ê Nîsana 1979’an de bir rêya Şînê û Qasimereşê re xwe gihand Rojhilatê Kurdistanê û Peywendî bi serkirdayetiya demkî ya Partiya Demokrata Kurdistanê (PDK) re kir, ew tevî kur û xizmên xwe careke din tevlî refên Pêşmergeyên Şoreşa Gulanê bûn, li devera Balekayetiyê wek desteyek gerok beşdarî Şoreşa Gulanê bûn.
Di sala 1991ê de vegeriya Başûrê Kurdistanê û li devera Xoşnawetî beşdarî serhildana gelê Kurd bû, heta temenê 85 salî weke pêşmergetî berdewam kir, di sala 1992an de vedigere gundê Kosratan ê navçeya Çomanê û heta mirina xwe li wir dimîne.
Di 16ê Tebaxa 1996an de ji ber xizmetên wî kirîn di Yobîla Zêrîn ya Partiya Dêmokrata Kurdistanê de ji aliyê Serok Barzanî ve bi medalyaya Barzanî hat xelatkirin.
Di 12ê Tîrmeha 2002an de koça dawî kir.
Çavkanî:
Arşîva Desteya Insîklopediya Partiya Dêmokrat a Kurdistanê.
