ساڵی 1975 دوای شکستی شۆڕشی ئەیلوول سەرەتا دەچێتە نەخچیڤان و دواتر ڕووی لە تاران دەکات و لەوێ نیشتەجێ دەبێت. ساڵی 1977 بووە جێگری ڕێکخراوی شەهید ئەحمەد ئادەم لە ئەنجومەنی قەزای ئامەدی هەرێمی یەکەم. ساڵی 1979 دوای کۆچی دوایی بارزانی بوو بە ئەندامی ئەنجوومەنی قەزای ئامەد و سوێندی خوارد تا ڕۆژی شەهیدبوونی یان ڕزگاری کوردستان سەری نەتاشی و نە سمێڵی نەتاشی. سوێندەکەی جێبەجێ کرد و تا ساڵی ١٩٩١ کە ڕاپەڕینە مەزنەکەی باشووری کوردستان ئەنجامدرا، سەر و ڕیشی نەتاشی.

لە کاتی ئۆپەراسیۆنە بەرفراوانەکەی ئەنفال و کیمیابارانی ناحیەی بێهدینان لە ساڵی ١٩٨٨، خەلیل ئەمین لەگەڵ ژمارەیەکی زۆر لە پێشمەرگە و خەڵکی ناوچەکە دەچێتە باکووری کوردستان. لەوێدا گواستراونەتەوە بۆ کەمپێکی پەنابەران و نیشتەجێبوون لە شاری موس. ساڵی 1992 گەڕاوەتەوە باشووری کوردستان و بەردەوامە لە کارکردن و خزمەتکردن لە فەرماندەیی بارزان.

خەلیل ئەمین بەشداری چەندین شەڕ و داستانی کردووە. هەندێکیان داستانی کانی ماس، داستانی فەوجە سۆتیک و بامەڕنێ لە پارێزگای دهۆک. لە ژیانی پێشمەرگەدا پێنج جار بریندار بووە. لە کۆنگرەی ١٣ی ساڵی ٢٠١٠ لەلایەن سەرۆک بارزانیەوە مەدالیای بارزانی پێبەخشرا.

سەرچاوە:

1. ئەرشیفی کۆمیتەی ئینسایکلۆپیدیای پارتی دیموکراتی کوردستان