ژیاننامە

دڵشاد شێهاب لە ساڵی 1972 لەدایک بووە، لە ساڵی 1978 لەگەڵ خێزانەکەی لەلایەن ڕژێمی بەعسەوە لە ماڵەکانیان دەرکراون و لە کۆمەڵگەی هەریر نیشتەجێ دەکرێن. ساڵی 1983 باپیر و باوکی لە هەڵمەتی ئەنفالدا لەلایەن ڕژێمی بەعسەوە کوژران. دەرچووی بەشی ئەندازیاری شارستانی لە زانکۆی سەلاحەدین. لە ساڵی 2009 بووەتە ئەندامی خولی سێیەمی جڤاتی نیشتمانی کوردستان و لە ساڵی 2012 لە کابینەی حەوتەمدا بووەتە وەزیری شارەوانی و گەشتوگوزاری حکومەتی هەرێمی کوردستان. زمانی کوردی و عەرەبی شارەزایە.

لاپەڕەی کار

دڵشاد شێهاب لە ساڵی 1991 پەیوەندی بە ڕیزەکانی یەکێتی قوتابیان و کوڕانی دیموکراتی کوردستانەوە کرد و لە ساڵی 1993 لە کۆنگرەی هەشتەمی ناسراو بە کۆنگرەی ئازادی، بە ئەندامی لیژنەی ڕێکخستنەوەی یەکێتی قوتابیانی کوردستان هەڵبژێردرا و بووە بە سەرۆکی لیژنەی لقی زانکۆی سەلاحەدین. بەرپرسی کۆمیتەی ناوچەی زانکۆی لێژنەی لقی دووی پارتی دیموکراتی کوردستان بووە و لە ساڵی ٢٠٠٤ وەک سکرتێری کۆمیتەی لقی دوو دەستنیشان کراوە.

ساڵی 2009 بووەتە ئەندامی خولی سێیەمی جڤاتی نیشتمانی کوردستان و ئەندامی لیژنەی بیناسازی و نیشتەجێکردن و یەکخستنی گوندەکان لە جڤاتی نیشتمانی کوردستان.

ساڵی 2010 لە کۆنگرەی 13، بە ئەندامی ئەنجوومەنی سەرکردایەتی پارتی دیموکراتی کوردستان هەڵبژێردرا و دوای دوو ساڵ و لە کابینەی حەوتەمدا بوو بە وەزیری شارەوانی و گەشتوگوزاری حکوومەتی هەرێمی کوردستان.

سەرچاوە:

1- ئەرشیفی کۆمیتەی ئینسایکلۆپیدیای پارتی دیموکراتی کوردستان.

2- مێژووی پارتی دیموکراتی کوردستان، کۆنگرە و کۆنفرانس (بەرنامە و ڕێوشوێنە ناوخۆییەکان)، کۆمیتەی ئینسایکلۆپیدیای پارتی دیموکراتی کوردستان، بەرگی دووەم، (هوێلەر – دەزگای چاپ و پەخشی ڕۆکسانە - 2021).

3- ئامادەکردن و کۆکردنەوەی: تارا تەحسین ئەسەدی، ئەندامانی پەرلەمانی کوردستان، خولی سێیەمی 2009 - 2013، (هوێلەر - چاپخانەی شێهاب 2010).

4- باوکی ئالها، پانۆرامای کۆنگرەی ئازادی، ڕۆژنامەی پێشکەفتین، ئۆرگانی یەکێتی لاوانی دێموکراتی کوردستان، ژمارە 52، هێلەر، یەکەمی تشرینی دووەمی 1994.

5- کاندیدەکانی لیستی کوردستان بۆ هەڵبژاردنەکانی 25.07.2009، گۆڤاری دەنگدان، دەزگای هەڵبژاردن (İ.N.K)، ژمارە 8، سلێمانی، 2009.

6- ساسان ئه ونی، یه کێتیی قوتابیانی کوردستان، هه ندێک لایه نی تێکۆشان و مێژوو، (قوتابخانه ی هێولێری سکرتارییه تی یه کێتیی قوتابیانی کوردستان - چاپخانەی وەزارەتی پەروەردە، 1998).

7- سیروان عوسمان، مێژوویەکی شکۆمەند و کاروانێکی نەشکاو، (هێلێر - چاپخانەی ڕێوشنبیری 2014).

8- شەعبان عەلی شەعبان، چەند زانیارییەکی سیاسی و مێژوویی، چاپی سێیەم، (هێولەر – چاپخانەی ڕۆژهەڵات 2013).

9- عیرفان عەزیز عەزیز، کۆنگرە و کۆنفرانسەکانی یەکێتی قوتابیانی کوردستان، (هێلەر - پڕۆژەی نووسینەوەی مێژووی یەکێتی قوتابیانی کوردستان - دەزگای چاپ و پەخشی ڕۆژهەڵات 2012).

10- بەشی دووەم، بەشی دووەم لەسەر نیو سەدە تێکۆشان، (هوێلەر - دەزگای چاپ و پەخشی ئاراس 2010).