Şer çalakiyeke partîzanî a Hêzên Pêşmergeyên Kurdistanê bû di 18’ê Tebaxa 1976’an de li devera Qela Selmaniyê ya devera Sindiyan li Behdînan, ku hêzeke artêşa Iraqê ketin kemîna hêzên Pêşmerge, di encamê de hêzên Pêşmerge karîn ziyaneke mezin bigihînin hêzên artêşa Iraqê û di encamê de bi dehan kuştî û birîndar di nav wan de efser û pilebilind hebûn.

Ebdulla Silêman Ebdulrehman, Pêşmerge û rêhevalê Barzanî ji bo Yekîtiya Sovyetê, di sala 1920an de li gundê Barzan ji dayîk bûye, di Şoreşa Barzan a Duyemîn de têkoşer bû, li Komara Demokrat a Kurdistanê li Mehabadê pêşmergeyê bû, di şoreşa Îlonê de beşdar bû û di dema Pêşmerge de du caran birîndar bû û di sala 1979an de li bajarê Dîwaniyê koça dawî kiriye.

Ebdulrehman Elî Yûnis, Pêşmerge û rêhevalê Barzanî yê Yekîtiya Sovyetê bû, di şoreşa Îlonê de beşdar bûye, demekê di dûrxistinê û binçavkirinê de jiyaye, di sala 1977an de di bin dûrxistinê û binçavkirinê de li başûrê Iraqê koça dawî kir.

Fermandar Mişîr Resûl Hacî ku bi navê Mişîr Gwanî jî tê naskirin, di sala 1966an de bi rêya Hemîd Efendî tevlî pêşmergeyên Şoreşa Îlonê dibe, di sala 1979ê de bi pileya fermandariya yekîneyeke hêzên Pêşmergeyên Şoreşa Gulanê werdigire, di sala 1979an de endamê Kongreya 9. ya Partiya Demokrat a Kurdistanê bû. Di 16ê Tebaxa 2018ê de ji aliyê Serok Mesûd Barzanî ve bi madalyaya Barzanî yê Nemir hat xelatkirin.

Nûrî Sedîq Elî Resûl bi nasnav Endezyar Nûrî Şawês tê naskirin, di sala 1935’an de tevlî refên Komeleya Azadiya Kurd dibe, di sala 1951 de ji aliyê nûnerên kongreyê ve wek endamê Komîteya Navendî ya Demkî ya Partiya Dêmokrat a Kurd (Kongreya Duyem) tê hilbijartin. Di sala 1953an de ji aliyê nûnerên kongreyê ve wek endamê serkirdayetiya Partiya Dêmokrat a Kurdistanê - Iraq (Kongreya Sêyem) hat hilbijartin.

Nejat Elî Salih di sala 1985an de tevlî Partiya Dêmokrat Kurdistanê (PDK) bû, di sala 2010an de di kongreya 13an de bû endamê komîteya navendî ya Partiya Dêmokrat Kurdistanê (PDK).

Fatih Mihemed Emîn Murteza, ku bi navên Fatih Mihemed Emîn Beg, Fatih Siyamensûrî û Birusk jî tê nasîn, mamoste û siyasetmedar, di sala 1964an de wek endamê Komîteya Navendî ya Partiya Dêmokrat a Kurdistanê (PDK) hat hilbijartin, salên (2001-2005) bûye endamê Civata Niştîmanî ya Kurdistanê, di sala 2020ê de koça dawî kiriye.

Di 14’ê Kanûna yekem a 1914’an de piştî bidarvekirina Şêx Abdulselam Barzanî ji aliyê dewleta Osmanî ve, Şêx Ehmed Barzanî di 18 saliya xwe de şûna birayê xwe yê mezin girt û bû serokê olî û civakî yê herêma Barzan.

Felekedîn Sabir Hemûd Ezîz, ku bi navê Felekedîn Kakeyî jî tê naskirin, nivîskar û siyasetmedar, di sala 1965’an de tevlî refên Partiya Demokrat a Kurdistanê (PDK) bû û di salên 1979 û 1989’an de di kongireyên neh û dehan de wek endamê Komîteya Navendî ya Partiya Demokrat a Kurdistanê (PDK) hate hilbijartin, di sala 1985an de bû endamê Mekteba Siyasî ya Partiya Demokrata Kurdistanê (PDK), di sala 1992an de bû endamê Parlamentoya Kurdistanê, xwediyê madalyaya nemir Barzanî ye.

Mamosta Haşim Hesen Reşîd Hesen naskirî bi Haşim Akreyî, di sala 1946an de tevlî refên Partiya Demokrat a Kurdistanê dibe, di sala 1960an de ji aliyê nûnerên Kongreyê ve wek endamê Komîteya Navendî ya Partiya Demokrat a Kurdistanê (KDP) (Kongreya 5emîn) hat hilbijartin, di sala 1964’an de di yekemîn civîna Komîteya Navendî ya li gundê Sengesar a ser bi parêzgeha Silêmaniyê ve weke endamê Mekteba Siyasî hate hilbijartin.

Topxaneya şoreşê beşeke girîng û bibandor a hêzên Pêşmerge bû, bi giştî ji sala 1965ê ve pêşkeftineke baş di warê dabînkirina efser û Pêşmergeyên rahênandî de bi rêya korsên taybet û peywendiyên hinek efserên artêşa Iraqê yên ku di warê topxaneyê de xwedî ezmûn bûn, çêbûye.

Destpêka damezrandina Hêza Balek vedigere sala 1962 dema ku di nava tabûrekê de hatibû rêkxistin, lêbelê, di sala 1965-an de, tabûr bi rengek girîng pêşkeft û bû hêzek organîze ya mezin a ji çar tabûran pêk dihat.