Ehmed Husên Ebdullah Pêşmergeyê Şoreşa Îlonê bû ye, di sala 1974’an de di şerê li geliyê Omer Axa de şehîd bû.

Ehmed Mihemed Ezîz, Pêşmergeyê Şoreşa Îlonê di sala 1970ê de di şerê Kelekînê de şehîd bûye.

Elî Abdullah Reza, di sala 1960an de ji aliyê nûnerên kongreyê ve wek endamê Komîteya Navendî ya Partiya Demokrat a Kurdistanê (KDP) (Kongreya Pêncemîn) hat hilbijartin, di 10ê Sibata 1971ê de ji bo cara duyem tevlî refên Partiya Demokrat a Kurdistanê (PDK) bû, di sala 1973an de ji aliyê Serkirdayetiya Partiya Demokrata Kurdistanê (PDK) ve wek fermandarê hêza Deşta Hewlêrê hat destnîşankirin.

Parêzer Elî Ebdullah Elî, di sala 1962an de tevlî refên Hêzên Pêşmerge dibe, di sala 1970 de ji aliyê nûnerên kongreyê ve wek endamê yedek yê Komîteya Navendî ya Partiya Demokrat a Kurdistanê (Kongreya heştem) hate hilbijartin, di 24’ê Mijdara 1983’an de li girtîgeha Kerkûkê hat bidarvekirin.

Yasîn Mihemed bi nasnav Erîf Yasîn Doskî pêşmerge û fermandarê her du şoreşên Îlon û Gulanê bû, pileyên fermandarê yekînê, Serliq, fermandarê tabûrê, fermandariya artêşê û fermandariya hêzê wergirtine, di kongreya 9. ya Partiya Demokrat a Kurdistanê de beşdar bû.

Ebdulrrehîm Cesîm Ehmed, Pêşmerge û rêhevalê Barzanî ji bo Yekîtiya Sovyetê, di sala 1925an de li gundê Pêndiroyê Ji dayik bûye, di Şoreşa Barzan a Duyemîn de têkoşer bû, li Komara Demokrat a Kurdistanê Pêşmerge bû û di her du şoreşên Îlonê û Gulanê de beşdar bûye, di Pêşmergayetiyê de Cîgirê fermandarê Betalyonê, cîgirê fermandarê hêzê û fermandarê hêzê bûye, du caran birîndar bûye û demekê ji aliyê rejîma Iraqê ve hatiye zîndankirin, di sala 1983’an de di şerê Çiyayê Qendîlê de şehîd bûye.