شەهید ویسۆ هێمد لاو ناسراو بە (ویسۆ هێمد لاو) لە ساڵی 1952 لە گوندی گیوانی سەر بە ناحیەی دیانا سەر بە پارێزگای هەولێر لەدایک بووە. بوو بە جووتیار و دوو کچ و کوڕێکی هەبوو.

ساڵی 1968 لەگەڵ عەبدولواحید برای پەیوەندی بە هێزی پێشمەرگەی کوردستانەوە کردووە. لە فەوجی سەید ئاسی سەر بە هێزەکانی بەلەک بوو بە پێشمەرگە. لە شەڕەکانی چیای زۆزیک و سێرتیز و کەمپەینی عومەر ئەکسە بەشداری کردووە.

ساڵی 1974 دوای دەستپێکردنی شەڕی نێوان هێزی پێشمەرگە و پارتی بەعس، دیسان چەکی پێشمەرگەی هەڵگرت و بەرگری لە خاکی کوردستان کرد. لە 17ی نیسانی ساڵی 1974 لە شەڕی چیای گۆرێز لە نزیک گوندی باڵەکیان سەر بە ناحیەی دیانا لەگەڵ برا گەورەکەی عەبدولواحید حەمەد لاو و ئامۆزاکەی و چەند خزمێکی دیکە شەهید دەبن.

بەهۆی بارودۆخی شەڕ و بوونی بۆردومانی تانک و تۆپخانەی دوژمن نەتوانرا پاشماوەی شەهیدان لە گوندی گیوان بنێژرێن. بۆیە لە گوندی سیتکان بە خاک سپێردران.

سەرچاوە:

1. ئەرشیفی ئینسایکلۆپیدیای پارتی دیموکراتی کوردستان