Efser û siyasetmedar Sîrwan Sabîr Mistefa Şêx Mihemed, bi navê (Sîrwan Barzanî hatiye), nas kirin. Di sala 1987 an de peywendiyê bi rêzên Partiya Dêmokrata Kurdistanê û heman salê peywendiyê bi rêzên hêzên Pêşmergeyên Kurdistanê re kiriye. Nûnerê kongreyên 11. ya sala 1993 û 12. ya sala 1999 ya Partiya Dêmokrata Kurdistanê bûye û di sala 2010 an de li kongreya 13. da bi endamê encumena serkirdayetiya Partiya Dêmokrata Kurdistanê hatiye hilbijartin.
Jiyanname
Sîrwan Barzanî di sala 1970 an de li bajarê Hewlêrê ji dayik bûye û ji malbata şêxên tekiya Barzane. Di sala 1998 kolêja serbazî ya Zaxoyê temam kiriye. Di sala 2015 an de Doktoraya şanaziyê li warê asayîşa neteweyî da ji aliyê akademiya Cambridge ya zanistî û teknelojiyê li komara Misir ya Erebî wergirtiye. Şarezayê zimanên Kurdî, Erebî, Farisî û Îngilîzî ye.
Xebatname
Sîrwan Barzanî di sala 1975 piştî şikesta şoreşa Eylûlê bi malbata xwe re koçberî welatê Îranê bûye û di sala 1979 an de bi bavê xwe re vegeriya ye Başûrê Kurdistanê û ji bo bajarê Bexda yê hatiye dûr xistin. Di sala 1987 an de peywendiyê bi rêzên Partiya Dêmokrata Kurdistanê û di sala 1987 an de peywendiyê bi rêzên hêzên Pêşmergeyên Kurdistanê re kiriye. Di sala 1988 an de beşdariyê li destana Xwakurk ya dijî artêşa Iraqê kiriye. Di sala 1990 an de berpirsê hêzê pasewanên Serok Mesûd Barzanî û di sala 1991 an de yarîdederê Nêçîrvan Barzanî ya li qonaxa raperîna Başûrê Kurdistanê bûye û beşdariya azad kirina bajarê Silêmaniyê da kiriye.
Nûnerê kongreyên 11. ya di sala 1993 û 12. ya di sala 1999 ya Partiya Dêmokrata Kurdistanê bûye û di sala 2010 an de li kongreya 13. da bi endamê encumena serkirdayetiya Partiya Dêmokrata Kurdistanê hatiye hilbijartin.
Di sala 1994 an de fermandeyê artêşa Barzanî ya ser bi hêzên Partiya Dêmokrata Kurdistanê bûye. Di sala 1999 Şêwirmendê Serok Mesûd Barzanî bûye. Di sala 2014 an de pileya serbazî Lîwa (General) ji aliyê Serokê Herêma Kurdistanê ve wergirtiye. Di sala 2014 û li şerê dijî bi Da'îş da bûye berpirsê mîhwera şeşem ya serbazî Giwêr - Mexmûr ya li tixûbê parêzgeha Hewlêrê.
Çavkanî:
Arşîva Desteya Însîklopediya Partiya Dêmokrata Kurdistanê.
