Endazyar û siyasetmedar Sefîn Muhsîn Hemed Emîn Bayiz, bi navê Sefîn Dizeyî hatiye nas kirin. Di sala 1999 û li kongreya diwazdehem da bi endamê komîteya navendî û sala 2010 li kongreya sêzdehem da bi endamê Encumena Serkirdayetiya Partiya Dêmokrata Kurdistanê hatiye hilbijartin.
Jiyanname
Sefîn Dizeyî di sala 1963 an de li bajarê Hewlêrê ji dayik bûye û ji malbateke axayên Dizeyî ye, navbihurî heta pola pêncem ya seretayî li xwendingeha Rahîbên Kildanî bi zimanê Erebî xwendiye û di sala 1978 qonaxa amadeyî yê li Şahnişîna Brîtanya yê temam kiriye. Di sala 1984 an de bawernameya dîplomê wergirtiye û paşê li sala 1986 bekaloryosa endazyariya dekorê bi dest ve aniye. Di salên ( 2009 - 2012 ) an de li kabîneya şeşem da Wezîrê Perwerdeyê Hikûmeta Herêma Kurdistanê bûye. Sefîn Dizeyî şarezayî li zimanên Kurdî, Erebî, Îngilîzî, Tirkî û Farisî da heye.
Xebatname
Di sala 1974 an de malbata wî ji aliyê desthilatdarên Iraqê ve ji bajarê Bexda yê hatin derxistin û çûne navçeyên azad kiriyên şoreşa Eylûlê û ji ber bombebarana hêzên asmanî ya Iraqê li ser navçeyên azad kirî, bi malbata xwe re çûne welatê Îranê. Di sala 1977 an de bi malbata xwe re çûye Şahnişîna Brîtanya û wekî penaber li wir jiyaye. Di kongreya çardehem li sala 2022 a li Bajêrê Dihokê bi Endamê komîteya Navinya Partiya Dêmokrata kurdistanê Hatiye Hilbijartin.
Di sala 1999 li kongreya diwazdehem da bi endamê komîteya navendî û di sala 2010 an de li kongreya sêzdehem da bi endamê Encumena Serkirdayetiya Partiya Dêmokrata Kurdistanê hatiye hilbijartin. Di salên ( 1992 - 2003 ) Nûnerê Partiya Dêmokrata Kurdistanê bûye li Komara Tirkiye û di sala 2003 an de Cîgirê Duyemê Serok Mesûd Barzanî ya li Encumena Desthilatdariya ( Meclîs Al Hukim ) li Iraqê bûye.
Di salên ( 2009 - 2012 ) an de li kabîneya şeşem da Wezîrê Perwerdeyê Hikûmeta Herêma Kurdistanê bûye. Di sala 2004 an de bûye Berpirsê Mekteba Peywendiyên Derveyê Partiya Dêmokrata Kurdistanê.
Çavkanî:
Arşîva Desteya însîklopediya Partiya Dêmokrata Kurdistanê.
