شەهید سدیق هاشم عەزیز لە ساڵی 1966 لە گوندی مێرۆز لە ناحیەی مێرگەسۆر سەر بە پارێزگای هەولێر لەدایک بووە. تەمەنی ٦ مانگ بوو کاتێک باوکی هاشم عەزیز مێرۆزی لە چیای ئیتروش شەهید بوو.

لە ساڵی ١٩٧٥ دوای شکستی شۆڕشی ئەیلول لەگەڵ بنەماڵەکەی کۆچیان کرد بۆ تورکیا. دوای مانەوەیان بۆ ماوەیەک لە تورکیا، ڕوویان لە ئێران کرد و لە کەمپی زێوێ نیشتەجێ بوون.

ساڵی 1983 گەڕایەوە ناحیەی ڕزگار، ناوچەیەک کە بەڕووی شۆڕشدا کرابووەوە و پەیوەندی بە هێزی پێشمەرگەی شۆڕشی گوڵانەوە کرد. لە سەردەمی فەرماندە ئەحمەد مێرۆز، مامی، بووە بە پێشمەرگە و بەشداری چەندین شەڕ و چالاکیی لەو ناوچەیە کردووە. بۆ ئەنجامدانی چالاکی پێشمەرگە چووەتە ناوچەی میزوری و لە 23ی حوزەیرانی 1987 بەهۆی بۆردومانی فڕۆکە جەنگییەکانی ڕژێمی بەعس لە گوندی مێرۆز شەهید دەبێت.

سەرچاوە:

1. ئەرشیفی ئینسایکلۆپیدیای پارتی دیموکراتی کوردستان