Siyasetmedar Mistefa Kerîm Xefur, bi navê Mistefa Hemamçî hatiye naskirin. Di ‌sala 1950 an de li yekemîn Konferansa Bexdayê de bûye Endamê Komîteya Navendî ya Partiya Dêmokrata Kurd. Paşê ji partiyê derketiye û amade nebûye biryar û raspardeyên partiyê bi cîh bike. Di sala 1953 di dema sazkirina kongreya sêyem de ji aliyê lîjneya birêvebirina kongreyê ve daxwaz lê hatiye kirin beşdariya kongreyê bibê lê belê beşdar nebûye û bi Salih Ruşdî re rêxistineke nû ya bi navê Partiya Demokrata Kurdên Iraqê damezrandiye.

Jiyanname

Mistefa Kerîm Xefur di sala 1924 an de li bajarê Silêmaniyê ji dayik bûye. Di sala 1947 an de li beşa werzîşî ya xaneya mamostayên seretayî ya Bexdayê hatiye wergirtin. Li 14 ê Şubata 1993 li teqîna mexzen û komgeha Komeleya Heyva Sora Iraqî ya li bajarê Silêmaniyê de ku bi destê Asayîşa Kerkukê ya ser bi Partiya Be'es ve hatibû encam dan, li wir hatiye şehîd kirin û li goristana Şêx Ewla yê bajarê Silêmaniyê bi axê hatiye spartin. Şarezayê zimanên Kurdî, Erebî û Îngilîzî bûye.

Xebatname

Mistefa Kerîm Xefur di sala 1939 peywendiyê bi rêzên Komeleya Birayetiyê re kiriye û di sala 1941 an de piledarê artêşa Lîvî ya Brîtanya ya li girava Qibrisê bûye. Di sala 1946 an de peywendiyê bi rêzên Partiya Dêmokrata Kurd re kiriye û li sala 1950 û li yekemîn Konferansa Bexdayê da bûye Endamê Komîteya Navendî ya Partiya Dêmokrata Kurd û di sala 1951 an de birêvebirê çapxaneya nihênî ya Partiya Dêmokrata Kurd bûye. Paşê ji partiyê derketiye û amade nebûye biryar û raspardeyên partiyê bi cîh bike û ew amêrên çapê yên ku li cem bûye vegerîne partiyê.

Piştî derketina ji nav rêzên partiyê, dest bi eşkere kirina nihêniyên partiyê kiriye. Di sala 1953 an de di dema sazkirina kongreya sêyem da ji aliyê lîjneya birêvebirina kongreyê ve daxwaz lê hatiye kirin beşdariya kongreyê bike, lê belê beşdar nebûye û bi Salih Ruşdî re rêxistineke nû ya bi ‌navê Partiya Dêmokrata Kurdên Iraqê damezrand ku li nîvê duyema sala 1952 hate hilweşandin û zêdetirê endamên wê  hatin nav rêzên Partiya Dêmokrata Kurd de.

Li 14 ê Şubata 1993 li teqîna mexzen û komgeha Komeleya Heyva Sora Iraqî ya li bajarê Silêmaniyê de ku bi destê Asayîşa Kerkûkê ya ser bi Partiya Be'es ve hatibû encam dan, li wir hatiye şehîd kirin û li goristana Şêx Ewla ya bajarê Silêmaniyê bi axê hatiye spartin. Şarezayê zimanên Kurdî û Erebî û Îngilîzî bûye.

Çavkanî:

1- Arşîva Desteya Însîklopediya Partiya Dêmokrata Kurdistanê.

2- Dîroka Partiya Dêmokrata Kurdistanê, kongre û konferans (Program û peyrewa navxweyî), Desteya Ansîklopediya Partiya Dêmokrata Kurdistanê, bergê yekem, (Hewlêr - Çapxaneya Roksana - 2021).

3- Mehdî Mihemed Qadir, pêşhatên siyasî yên Kurdistana Iraqê 1945 - 1958, (Silêmanî ـ Navenda Lêkolîniya Stratejiya Kurdistanê 2005).

4- Abdulxalid Sabir (Mamosta Xalid), Şecereya Malbatên Dêrînên Silêmanî ya li navbera salên 1784 - 1914, Çapa duyem, (Beyrût ـ Çapxaneya Green Glory 2010).

5- Abdulla Agirîn, Emîd Ebdulrehîm Wefîye, Kovara Silêmaniyê, hejmara 129, xula sêyem, Silêmanî, Çapxaneya Dilêr, Adara 2012.

6- Îzedîn Mistefa Resul, Beşek ji bîranên min (Yadaştekanim) bergê yekem, (Silêmanî ـ Dezgeha Çap û weşanên Serdem ـ Çapxaneya Dezgeha Hemdî 2006).

7- Kerîm Zend, Xerman ـ Şara, (Silêmanî ـ Çapxaneya Ezmer 2003).

8- Mesûd Barzanî, Barzanî û Tevgera Rizgarîxwaziya Kurd 1931 - 1958, bergê yekem, (Hewlêr ـ Çapxaneya Wezareta Perwerde 2004).