شەهید کەمال عەلی نادر محمد لە ساڵی 1947 لە قەزای خورمال سەر بە پارێزگای هەڵەبجە لە دایکبووە. دانیشتووی شاری خورمال بووە و خەریکی کشتوکاڵ بووە و لە بازاڕی خورمال بازرگان بووە و تا ئاستی سەرەتایی خوێندوویەتی.

شەهید کەمال عەلی نادر محمد لە ساڵی ١٩٦٧ پەیوەندی بە ڕیزەکانی پێشمەرگەی شۆڕشی ئەیلولەوە کرد و لە فیرقەی پێنج بە فەرماندەیی هیسن بەگی سیوانڕۆی، لە ژێر فەوجی حەوتی لیوای بیارە بە فەرماندەیی جەمال نامیق، سەر بە هێزی کاری پارتی دیموکراتی کوردستان بوو بە پێشمەرگە.

دوای ئەوەی هەواڵ بڵاوبووەوە کە کەمال عەلی نادر محەمەد بووەتە پێشمەرگە، کەمال باوکی لەلایەن سەرکردەیەکی میلیشیا بەناوی ڕەشێ ساڵح دەستگیردەکرێت، دواتر دەست بەسەر سەرجەم زەوییە کشتوکاڵییەکان و موڵکەکانیاندا گرت و خێزانەکەی لە قەزای خورماڵ دەردەکرێن.

کەمال عەلی لە ساڵی 1968 لە شەڕی هێزەکانی کۆڵوانە سورێکان لە ناحیەی خورمال، لە ساڵی 1968 لە شەڕی عەربەت، لە ساڵی 1969 لە شەڕی کۆڵوانە سورێکان لە چیای شنریو، لە ساڵی 1969 لە شەڕی هێزەکانی کۆڵوانە سورێکان لە ئێبابەیل لە نزیک پارێزگای هەڵەبجە بەشداری کرد.

سەربازانی کۆڵوانێ سورێکان بوون بە سەرکردە و ڕێنوێنی سوپای ئەوکاتی عێراق لە سەنگەرە بەرگرییەکانی هێزی پێشمەرگە کە لە ساڵی ١٩٦٩ هێرشیان کردە سەر قەڵای ئێبابەیلێ و کەمال عەلی بە فیشەکێکی کۆلوانێ سورێکان شەهید بوو.

سەرچاوە:

1. ئەرشیفی ئینسایکلۆپیدیای پارتی دیموکراتی کوردستان