Eşqî Arab bi ragihandina şoreşa Eylûlê re li 11 ê Eylûla 1961 li cem Haris Bêdarunî bûye Pêşmerge û bi Barzaniyê Nemir re li çiyayê Pîris bûye. Di sala 1962 bi Barzaniyê Nemir re derbasî navçeya Soran û Balek bûye. Eşqî Arab bi hêza xwe re û bi fermandeyî ya Haris Bêdarunî çûye navçeya Balek û Pişderê. Di dema Hêzên Pêşmerge êrîşî ser Qişleya Rayat kirin, navbihurî ji bo rêgirtina hatina artêşa Iraqê û cehşan ya ji bo şikandina dorpêça li ser hêza Pêşmerge ya li ser Qişleya Rayat, li çiyayê Helgurd Hêza Piştevan bûye. Di heman salê da vegeriyaye Sirêşme û li wir ve çûye Çiyayê Biradost û Barzan. Di sala 1963 beşdariyê li şerên berevanîkirina wan êrîşan kiriye ku li ser wan navçeyan de dihate kirin. Li encama wan berevaniyan de dijmin neçarbûye paşve bikişê. Di heman salê da bi hêza xwe ya Haris Bêdarunî û Barzanî re vegeriyaye navçeya Soran û heta sala 1965 li Sengeserê bûye. Di heman salê da ji bo mekteba siyasî hatiye veguhestin û erkê pasevaniya beşa parastina şoreşê wergirtiye ku Mesûd Barzanî berpirsê wî bûye. Heta sala 1974 li wê erkê de berdewam bûye û paşê bûye Fermandeyê Betalyona Yek.
Piştî şikesta şoreşa Eylûlê ya li sala 1975 di destpêkê de li komelgeha Rebet ya li navçeya Serdeşt bûye û paşê çûye Nexede û li wir bûye pasevanê Mala Barzaniyê Nemir. Di sala 1979 peywendiyê bi Şoreşa Gulanê ve dike bi Hêza Barzan re vegeriyaye Zêwe û bi Dr Seîd Ehmed Nadir re çûye Bêdar û Ketîne û li wir Baregeha Hêzê avakirine û bi mefrezeya gerok ziyaneke mezin li pêgehên rejîmê gihandiye. Paşê di sala 1988 baregehê veguhestine Heyat û Geliyê Reş. Piştî operasyona berfireha Enfal û kîmyabarankirina navçeya Behdînanê vegeriyaye Rojhilatê Kurdistanê. Li jiyana Pêşmergayetiyê de beşdariya dehan şerên cûda cûda kiriye û li şerên çiyayê Berzêwe li devera Balek ya li sala 1964 û çiyayê Pîran li sala 1984 û çiyayê Wertê û Direbî û şerê Rewandizê ya li sala 1995 de birîndar bûye. Bav û birayekî wî li şerê çiyayê Bêdarunê ya li sala 1937 de şehîd bûne. Birayekî wî yê din li sala 1988 li pişt gundê Kekle ya li devera Mêrgesorê şehîd bûye. Li kongreya 13 ya sala 2010 ji aliyê Serok Mesûd Barzanî ve madalya Barzaniyê Nemir wergirtiye. Niha bi pileya Eqîd li nav rêzên leşkerî ya Pêşmergeyên Kurdistanê li Barzan berdewamiyê bi xebata xwe dide.
Çavkanî:
1. Arşîva Desteya Ansîklopediya Partiya Dêmokrata Kurdistanê.
