Ehmed Mela Siwar li sala 1962 peywendiyê bi şoreşa Eylûlê ve kiriye û li Hêza Omer Axayê Dolemerî de bûye Pêşmerge. Bi hêzeke taybetî ya ser bi Barzaniyê Nemir re derbasî navçeya Soran bûye. Li sala 1974 di dema destpêkirina şerê di navbera Hikûmeta Iraqê û şoreşa Kurd de bûye li bereya şerê Sipîlk de bûye Serpel. Piştî şikesta şoreşa Eylûlê ya li sala 1975 li gundê Mela Siwar maye. Di sala 1980 dûbare vegeriyaye nav rêzên hêzên Pêşmerge û li gundê Heyat Fermandeyê Mefrezeya Gerok bûye. Li 31 Gulana 1981 di dema danîna kemînek li ser artêşa Iraqê de bi dijwarî birîndar bûye û ji bo Îranê hatiye veguhestin. Piştî baş bûnê dûbare vedigerê nav rêzên hêzên Pêşmerge û dibe Cîgirê Dr. Seîd Nadir.
Di sala 1987 bûye berpirsê rêxistina Karox û li sala 1988 piştî lehiya operasyona Enfalê û kîmyabarankirina navçeya Behdînan diçe Rojhilatê Kurdistanê. Li sala 1989 bûye berpirsê pasevanên Mekteba Siyasî ya li Rajan. Li sala 1991 li gor plana dariştiya Partiya Dêmokrata Kurdistanê û Bereya Kurdistanî ya di derbarê raperîn û serhildanê, bi birêz Nêçîrvan Barzanî re li raperîna bajarê Silêmaniyê de beşdarbûye. Di sala 1992 vegeriyaye nav Hêza Barzan û bûye Fermandeyê Hêzê. Di sala 1993 erkê fermandeyê betalyona sê ya leşkerê taybetî pê hatiye spartin. Di sala 1994 bi betalyona xwe erkê pasevanê Mekteba Serok wergirtiye. Li sala 1995 li şerê berevaniya li şerîet li deşta Hewlêrê birîndar bûye.
Ehmed Mela Siwar li şerên Serê Akrê û Berî Nizar û Bilê û Barzan û şerê Pîrfat û şerên devera Balekayetî û şerê Karox û Sipîlk û şerên Mêrgesor û Goretû û Bawe de beşdar bûye. Li sala 2009 tûşî nexweşiya şêrpence bûye. Li kongreya 13 ê sala 2010 ji aliyê Serok Mesûd Barzanî ve medalya Barzaniyê wergirtiye. Li 4 ê Nîsana 2012 bi nexweşiyê koça dawî kiriye.
Çavkanî:
1. Arşîva Desteya Însîklopediya Partiya Dêmokrata Kurdistanê.
