Di sala 1963 li lîjneya navçeya Amêdiyê bûye kadîr û serpereştê rêxistinên navçeyên Rêkan û Doskî û Nêrweyê kiriye. Di sala 1966 Ebdulrehman Mihemed beşdariya Kongreya heftem ya Partiya Dêmokrata Kurdistanê, ya li Gelaleyê kiriye. Piştî kongreyê vegeriyaye navçeya berpirsiyariyetiya xwe û heta sala 1970 li wir maye.
Di sala 1974 piştî wê yekê ku Hikûmeta Iraqê li bi cîhkirina peymana 11 ê Adarê ya di sala 1970 poşman bû û dijî gelê Kurdistanê û şoreş û şer destpêkir, Ebdulrehman Mihemed li lîjneya navçeya Şêladizê, bû kadîrê siyasî û serbazî.
Di sala 1975 piştî şikesta şoreşa Eylûlê, li devera Şêladizê ma. Berî destpêkirina Şoreşa Gulanê çûye rêza wan Pêşmergeyên ku li ser tixûbê Bakûr û Başûrê Kurdistanê bûn û li wir di encamdana çalakiyên partîzaniyê de berdewam bûn.
Di sala 1988 piştî encamdana proseya operasyona Enfalê ya ji aliyê rejîma Iraqê ve dijî xelkê medenî û sivîlê Kurdistanê hate kirin, ji tixûbên Bakûrê Kurdistanê ve xwe gihandiye Rojhilatê Kurdistanê. Di sala 1991 berî serhildan û raperîna cemaweriya Kurdistanê xwe gihandiye Başûrê Kurdistanê û beşdariya raperîna bajarê Dihokê kiriye.
Li 16 Tebaxa 1996 ji ber wan xebat û xizmetên ku kiriye, li Jubîleya zêrîn an ku di salvegera 50 saliya damezrandina Partiya Dêmokrata Kurdistanê de, ji aliyê Serok Mesûd Barzanî ve madalya Barzanî wergirtiye.
Çavkanî:
1. Arşîva Desteya însîklopediya Partiya Dêmokrata Kurdistanê
