Dr Frédéric Tissot, di sala 1951 li Cezaîrê ji dayik bûye. Di sala 1962 vedigerê Fransa û li bajarê Lyon ya Fransayê nîştecîh dibe. Qonaxên xwendinê li welatê Fransa temam dike û li sala 1980 dibê pizîşk. Di dema çend salekê navendeke tendirustî ya gundnişînî ya li geliya (Des Aït Bouguemez) birêve dibe û alîkariya nexweşên wê deverê dike. Wekî pizîşkekî Fransî, biryarê dide alikariya wan xelkan bike ku bi taybetî ew welatên dûrin û şer li wan de berbelave û hîç hevkariyeke bi destê wan negihe, yarmetiya wan bide.
Dr Frédéric Tissot, jiyanekî pir li serkêşî jiyaye. Di sala 1982 diçê Rojhilatê Kurdistanê û wekî Pêşmergeyek li gundê Mezrê li navçeya Alanê ya Serdeşta Rojhilatê Kurdistanê li nexweşxaneya Partiya Dêmokrata Kurdistana Îranê de xizmeta nexweş û birîndarên şerê Hikûmeta Îranê dike.
Dr Frédéric Tissot, Endamê Pizîşkên Bêsînor e, di sala 1981 li rêya Kendal Nezan Serokê Enstîtuya Kurd li Parîsa welatê Fransa kêşeya gelê Kurd ji nêzîk ve naskiriye. Tissot bi radeyekê bi êş û jana gelê Kurd re têvlî bûye. Piştî wê yekê ku Kurdistanê bi cîh hişt û vegeriya welatê Fransa bi hemû awayekê hevkarê tevgera rizgarîxwaziya Kurd kiriye. Di sala 1984 li çiyayên Kurdistanê bi Bernard kuşnêr(Kouchner), re hevaltî kiriye. Dr Frédéric Tissot dijî ewe bûye ku partiyên Kurdan dijî hevdû şer bikin û berdewam li navbera wan de hewla navberiyê kiriye. Di sala 1984 vedigerê welatê Mexrîb û heta pênc salan li wî welatî xizmetê bi kerta tendirustiyê dike û alîkariya nexweşan dike.
Di sala 1989 beşdariya konferanseke li Parîsê ya di derbarê kêşeya Kurd dike û li vî derbarî de dibêje: Her yek ji welatên Tirkiye û Iraq û Îran û Suriye bi encamdana wê konferansê xweşhal nebûn. Di sala 1991 bi Bernard Kouchner re rola wî li dariştina biryara 688 ya Encûmena Asayîşa Neteweyên Yekgirtî ya ji bo dabînkirina navçeya azad û dijîfirînê ji bo xelkê Herêma Kurdistanê de hebû. Di sala 1991 çendîn caran serdana Başûrê Kurdistanê dike.
Li 12 Temûza 2006 li bajarê Port-au-Prince ya paytexta welatê Haîtî rastî rûdaneke dijwar bû. Piştî qezayek ku kevanekî karebayî (elektirîkê) ya li ser hêla volaja bilind ew avêt hewayê û di dema ketinê da birbira pişta wî şikiya. Ji wê demê ve nikare bimeşe û kursiya gerok bikartîne.
Li 23 ê Eylûla 2007 welatê Fransa Konsulxaneya xwe li bajarê Hewlêrê vekir û Dr Frédéric Tissot, yekemîn Konsulê welatê Fransa bû li Hewlêr ê. Ji wê rojê ve bi awayeke fermî nûnerayetiya welatê xwe ya li Herêma Kurdistanê kiriye. Wekî dîblomatkarek û hevsozê kêşeya Kurd herdem li hewla bi hêz kirina peywendiyên welatê Fransa bi Herêma Kurdistanê re bûye. Li vî derbarî de dibêje: Ez dîblomat nebûm ku erkê Konsulê welatê xwe li Kurdistanê bi min hate dayîn, belku ez bi rêya karê pizîşkî re tevlî siyasetê bûm.
Dr Frédéric Tissot, heta sala 2012 li Kurdistanê maye û beşdariya gelek helkeft û rêwresmên Hikûmeta Herêma Kurdistanê de kiriye û pirekî bi hêz ya peywendiya di navbera Kurdistan û Fransayê bû. Li gelek helkeftan de tacegul li ser Mezarê Şehîdan û Enfal kiriyan li Barzan û Helebçe û Germiyan û Behdînan û Balîsan hemû cihên dinên Kurdistanê de daniye.
Di roja 30 ê Eylûla 2012 ji ber dawî hatina erkê wî yê wekî Konsulê Fransa li Hewlêrê vegeriya welatê xwe. Di dema birêkirina wî merasîmeke hêja ji aliyê Hikûmeta Herêma Kurdistanê ve li hola Şehîd Se'ed Ebdula ji bo wî hate rêkxistin û çendîn berpirsên pile bilindên hikûmetê li wê rêwresmê de amadebûn û spas û hûrmeta Hikûmet û gelê Kurdistanê pêşkêşî wî kirin ku nêzîkî sîh salan xizmeta doza rewaya gelê Kurd kiriye. Li rêwresmê da Dr Dr Frédéric Tissot spasî Serok Mesûd Barzanî û Nêçîrvan Barzanî kir û xweşhaliya xwe derbirî ku wekî dîblomatkarek xizmeta doza rewaya gelê Kurd kiriye. Tekez li wê yekê kir ku wekî dosteke Kurd berdewam dibê li xizmet kirina wan neteweyên ku mafên wan hatine xwarin û wekî dostekî Kurd dimîne.
Ji ber wan xizmetên ku çi li ser asta Kurdistanê û Fransa û asta cîhanê de pêşkêşî gelê Kurdistanê kiriye, li roja 15 ê Gulana 2013 ji aliyê Serok Mesûd Barzanî ve madalya Barzanî wergirtiye.
Çavkanî:
1. Arşîva Desteya Ansîklopediya Partiya Dêmokrata Kurdistanê.
