شەهید جەعفەر ئیبراهیم لە ساڵی 1966 لە گوندی سۆفی ئیبراهیم لە ناحیەی قوشتەپەی سەر بە پارێزگای هەولێر لەدایک بووە. جووتیار بووە و خەریکی کشتوکاڵ و ئاژەڵداری بووە. لە قۆناغی سەرەتایی خوێندوویەتی.

شەهید سێفەر ئیبراهیم لە سەردەمی شۆڕشی گوڵاندا ئەندامی ڕێکخراوە نهێنییەکانی پارتی دیموکراتی کوردستان بووە. ساڵی 1985 دەبێتە ئەندامی بەشی دارایی و ئاماری جۆری شەهید کاروان مەنتیک لە بەشی دووی پارتی دیموکراتی کوردستان. کار و چالاکییەکانی تەنیا لە گوندەکانی دەوروبەری هەولێر سنووردار بوو، ئەرکیشی گەیاندنی پەیامی شۆڕش و کۆکردنەوەی داهات و پێداویستی بۆ هێزی پێشمەرگە بوو. هاوکات لە دوو چالاکی حزبی شانبەشانی هێزی پێشمەرگە لە قەزای پیرد بەشداری کردووە.

جەعفەر ئیبراهیم لە ساڵی 1987 دوای گەیاندنی پێداویستی بۆ هاوڕێکانی و ئەنجامدانی کۆبوونەوە و وەرگرتنی ڕێنمایی شۆڕشگێڕانە، لەسەر سنووری گوندی کانی بیزرێی سەر بە قەزای قۆشتەپە، بەهۆی هێرشە ئاسمانییەکانی حکومەتی عێراق بۆ سەر ناوچەکە شەهید دەبێت.

سەرچاوە:

- ئەرشیفی کۆمیتەی ئینسایکلۆپیدیای پارتی دیموکراتی کوردستان.