Xalîd Hemze Elî, di sala 1978 peywendiyê bi rêzên Partiya Dêmokrata Kurdistanê re kiriye û bûye Pêşmerge. Di sala 1989 li çiyayê Konekotir ji ber mayin û mînan ve şehîd bûye.

Xalîd Ezem Tofîq Ebdulqadir, Pêşmergeyê şoreşa Gulanê bûye û li jiyana Pêşmergeyetiyê de yek car birîndar bûye û li sala 1982 an de li devera Tawgozî de piştî rûbirûbûna bi serbazên rejîma Be'es re bi birîndarî hatiye desteser kirin û her li wê şevê hatiye fîşek baran kirin û şehîd bûye.

Xalîd Ehmed Feqê Ekber, Pêşmergeyê şoreşa Eylûlê bûye û li sala 1964 an de li encama êrîşa taqima Îbrahîm Ehmed ya li ser sengerên Pêşmerge de fîşek li ber serê wî ketiye û şehîd bûye.

Xalîd Mihemed Îbrahîm Husên bi navê Xalîd Şilî hatiye nas kirin. Di sala 1943 li parêzgeha Dihokê ji dayik bûye. Di sala 1962 peywendiyê bi Partiya Dêmokrata Kurdistanê re dike û heman salê çûye nav rêzên Pêşmergeyên şoreşa Eylûlê. Piştî şikesta şoreşa Eylûlê koçberî welatê Îranê bûye. Beşdariya şoreşa Gulanê kiriye. Bi serhildan û raperîna sala 1991 ya xelkê Kurdistanê vegeriya ye Başûrê Kurdistanê. Di sala 2004 Berpirsê Dezgeha Eylûlê li Akrê bûye û hilgirê madalya Barzanî ye.

Xurşîd Selîm Şêre, bi navê (Xurşîd Şêre), hatiye nas kirin. Di sala 1954 an de peywendiyê bi rêzên Partiya Dêmokrata Kurdistanê re kiriye. Di sala 1954 an de wekî kadîreke çalakê cotkarê‌ deşta Hewlêrê çalakiyan encamdaye...

Xesrew Tofîq Fethula, aborînas û siyasetmedar bi navê (Nebez), hatiye nas kirin. Di sala 1948 an de berpirsê rêxistinên Partiya Komunista Iraqê bûye. Di sala 1955 an de endamê serkirdayetiya Partiya Komunista Iraqê ya li bajarê Silêmaniyê bûye. Di sala 1956 li yekgirtina duyem da bûye‌ endamê komîteya navendî ya Partiya Dêmokrata Yekgirtiya Kurdistanê.

Akademî û siyasetmedar Xesrew Ebdula Îsmaîl Me'ruf, bi navê (Xesrew Goran), hatiye nas kirin. Di sala 1976 an de peywendiyê bi rêzên Partiya Dêmokrata Kurdistanê re kiriye û di sala 1978 an de peywendiyê bi rêzên hêzên Pêşmergeyên Kurdistanê re kiriye. Nûnerê kongreyên nehem ya 1979 û dehem 1989 û yazdehem 1993 û diwazdehem bûye.

Efser û siyasetmedar Xeyrula Ebdulkerîm Ebdula Selîm, bi navên (Mulazim Xeyrula, Şehîd Xeyrula, Xeyrula Gurcîzade û Xeyrula Hacî Ebdulkerîm Xoşnaw), hatiye nas kirin. Endamê Komeleya Darker û Partiya Hîwa bûye. Di sala 1939 yek ji efserên Kurdên li nava rêzên artêşa Iraqê bûye.

Xidir Yusif Bapîr, di sala 1970 an de peywendiyê bi rêzên Partiya Dêmokrata Kurdistanê ve kiriye û karê rêkxistinî ya nihênî kiriye. Di sala 1987 ji aliyê rejîma Be'es ve hatiye destgîr kirin û li heman salê de hatiye sêdare kirin.

Xidir Ehmed Mistefa, Pêşmergeyê şoreşa Eylûlê bû û di sala 1962 an de li gundê Rustê hatiye şehîd kirin.

Xidir Ebdula Ehmed Ezîz, di sala 1961 peywendiyê bi rêzên Partiya Dêmokrata Kurdistanê re kiriye û bûye Pêşmerge. Di sala 12 ê Gulana 1966 li destana çiyayê Hindirên bi gulleya rejîma Iraqê ve tê şehîd kirin.

Xemo Menaf Xefur, Pêşmergeyê şoreşa Eylûlê bûye, li sala 1966 li Gerûyê Omer Axa şehîd bûye.