Akademî û siyasetmedar Xesrew Ebdula Îsmaîl Me'ruf, bi navê (Xesrew Goran), hatiye nas kirin. Di sala 1976 an de peywendiyê bi rêzên Partiya Dêmokrata Kurdistanê re kiriye û di sala 1978 an de peywendiyê bi rêzên hêzên Pêşmergeyên Kurdistanê re kiriye. Nûnerê kongreyên nehem ya 1979 û dehem 1989 û yazdehem 1993 û diwazdehem bûye. Di sala 2010 an de li kongreya sêzdehem da bi endamê encûmena serkirdayetiya Partiya Dêmokrata Kurdistanê hatiye hilbijartin.
Jiyanname
Xesrew Goran di sala 1960 an de li bajarê Dihokê ji dayik bûye. Di sala 1987 an de bekaloryosa aboriya neteweyî ji zanîngeha Stockholmê wergirtiye û masterê li dîrokê da bi dest xistiye. Di salên ( 1994 - 2003 ) an de birêveberê giştî yê Dîwana Encûmena Niştimaniya Kurdistanê bûye. Di sala 2003 ji aliyê encûmena parêzgeha Musilê ve li ser beşa Kurd bûye Cîgirê Parêzgerê Musilê. Di sala 2014 an de li ser lîsta Partiya Dêmokrata Kurdistanê de bûye endamê Encûmena Niştimanî ya Iraqê. Şarezayê zimanên Kurdî, Erebî, Swêdî û Îngilîzî ye.
Xebatname
Di sala 1976 an de peywendiyê bi rêzên Partiya Dêmokrata Kurdistanê re kiriye û di sala 1978 an de peywendiyê bi rêzên hêzên Pêşmergeyên Kurdistanê re kiriye. Li nava salên heştihan wekî penaber çûye welatê Swêdê û li wir jiya ye û di sala 1993 vegeriya ye Başûrê Kurdistanê.
Nûnerê kongreyên nehem ya 1979, dehem 1989, yazdehem 1993, kongreya diwazdehem ya Partiya Dêmokrata Kurdistanê ya di sala ( 1999 ) bûye û di sala 2010 li kongreya sêzdehem da bi endamê encûmena serkirdayetiya Partiya Dêmokrata Kurdistanê hatiye hilbijartin. Di sala 2011 an de bûye berpirsê Dezgeha Giştî ya Hilbijartinan.
Di sala 2003 bûye cîgirê berpirsê lîjneya leqa çardeh ya Musilê û piştî salek bûye berpirsê lîjneya heman leqê.
Di sala 2014 bi endamê encûmena nûnerên Iraqê hatiye hilbijartin û bûye Serokê Fraksiyona Partiya Dêmokrata Kurdistanê.
Çavkanî:
Arşîva Desteya Însîklopediya Partiya Dêmokrata Kurdistanê.
