شەهید سەلام عارف عیبدوڵڵا میحمەد لە ساڵی 1964 لە گوندی گردە نازێ لە دەشتی شارەزوور، سەر بە قەزای خورمال لەدایک بووە. لە گوندێک گەورە بووە و خەریکی کشتوکاڵ بووە. خوێندکاری قۆناغی ناوەندی بووە و لە ساڵی ١٩٨١ پەیوەندی بە باڵی نهێنی شەهید ئەکرێم هێمە عەلیەوە کردووە، کە سەر بە ڕێکخستنی نهێنی کۆمیتەی قەزای هەڵەبجەی فیرقەی چواری پارتی دیموکراتی کوردستان بووە، لەو کاتەدا شەهید ئەکرێم هێمە عەلی دەبێتە کادری ڕێکخستنی کۆمیتەی قەزای هەڵەبجە.

شەهید سەلام عارف لە ساڵی 1981 چەکی هەڵگرت و لە ژێر بەرپرسیارێتی مام وەلی حاجی عارف کە سەر بە ئەنجومەنی قەزای هەڵەبجە بوو بە پێشمەرگە لە ڕێکخراوی باڵەنتران. بەرەبەیانی 1ی تشرینی دووەمی ساڵی 1983 سەلام عارف و مام وەلی حاجی عارف بۆ ئەنجامدانی ئۆپەراسیۆنی حزبی چوونە شاری سەید سادق. لە ڕێگای گەڕانەوەیان لە بازگەی سەیدسادق لە بۆسەی سەرباز و هێزەکانی ڕژێمی بەعس و ڕووبەڕووی هێزێکی دوژمن بوونەتەوە و نزیکەی شەش کاتژمێر بەرگریان کردووە. بەڵام بەهۆی هاتنی هێزی پتەوی هێز و سەربازانی ڕژێمی بەعس، سەلام عارف شەهید بوو و مام وەلی حاجی عارف بە برینداری لە بۆسە ڕزگاری بوو.

سەرچاوە:

1. ئەرشیفی ئینسایکلۆپیدیای پارتی دیموکراتی کوردستان