شاهەوان عەبدوڵڵا ئەحمەد لە ساڵی 1979 لە شاری کەرکوک لە دایک بووە.
خاوەنی بڕوانامەی دکتۆرایە لە یاسا و لە ساڵی ٢٠١٢ تا ٢٠١٤ لە زانکۆی جیهانی وانەبێژ بووە.
شاهێوان عەبدوڵڵا لە ساڵی ٢٠١٤ تا ٢٠١٨ لە خولی سێیەم ئەندامی پەرلەمانی عێراق بووە و لە ساڵی ٢٠٢٢ بووەتە جێگری دووەمی سەرۆکی پەرلەمانی عێراق لە خولی پێنجەمدا.
لە کۆنگرەی ١٤ی پارتی دیموکراتی کوردستان لە ٦ی تشرینی یەکەمی ٢٠٢٢ لە دهۆک بە ئەندامی کۆمیتەی ناوەندی پارتی دیموکراتی کوردستان هەڵبژێردرا.
1. ئەرشیفی ئینسایکلۆپیدیای حیزبی دێموکرات.
ڕەزا محمد مستەفا بە ناوەکانی (شێخ ڕەزا گوڵانی - شێخ ڕەزا بەرزنجی) ناسراوە، فەقێ و سیاسەتمەدارە، لە ساڵی 1963 بووە بە سکرتێری تایبەتی سەرۆک مستەفا بارزانی، لە ساڵی 1964 پاڵپشتی تەواوی سەرۆک مستەفا بارزانی و کوردی کرد لە گفتوگۆ ناوخۆییەکانی ناو حزبەکەدا.
زانیاری زیاتر
میحمەد ساڵح ئیبراهیم جومعە ناسراو بە (دکتۆر میحمەد ساڵح جومعە)، لەساڵی 1953 ئەندامی دەستەی دامەزرێنەری کۆمەڵەی قوتابیانی کورد لە قامیشلۆی ڕۆژئاوای کوردستان (سوریا) بووە، لە ساڵی 1966 پەیوەندی بە ڕێکخراوەکانی پارتی دیموکراتی کوردستانی عێراقەوە کرد لە ئەوروپا. ساڵی 1979 لە لایەن نوێنەرانی کۆنگرەی نۆیەمەوە بە ئەندامی کۆمیتەی ناوەندیی حیزبی دێموکراتی کوردستان هەڵبژێردرا.
زانیاری زیاتر
میحمەد زیاد هێمێ مەحمود ناسراو بە (کاکە زیادی کۆیە) لە ساڵی ١٩٣١ پاڵپشتی شۆڕشی یەکەمی بارزانی کرد، لە ساڵی ١٩٤٣- ١٩٤٥ پاڵپشتی شۆڕشی دووەمی بارزانی کرد. لە ساڵی ١٩٤٦ لە کۆنگرەی یەکەمدا بووە جێگری دووەمی سەرۆکی پارتی دیموکراتی کورد. لە ٩ی حوزەیرانی ١٩٦٣ پەیوەندی بە ڕیزەکانی هێزی پێشمەرگەوە کرد.
زانیاری زیاتر
حەیدەر میحمەد ئەمین لە ساڵی ١٩٤٦ پەیوەندی بە حیزبەوە کرد، لە ساڵی ١٩٥٣ لە یەکەمین کۆنگرەی یەکێتی قوتابیانی کوردستان بە ئەندامی دەستەی کارگێڕی هەڵبژێردرا و دوای ماوەیەکی کەم وەک سکرتێری یەکێتی قوتابیانی کوردستان دەستنیشان کرا. ساڵی 1960 لە لایەن نوێنەرانی کۆنگرەوە وەک ئەندامی جێگرەوەی کۆمیتەی ناوەندیی پارتی دیموکراتی کوردستان (کۆنگرەی پێنجەم) هەڵبژێردرا.
زانیاری زیاتر
