Siyasetmedar Qadir Ebdulezîz Re‌şîd Mihemed Elî, bi navên Qadir Qeçax, Qeçax û Qeçaxê Kurdistanî hatiye nas kirin. Di sala 1979 an de peywendiyê bi rêzên Partiya Demokrata Kurdistanê û di sala 1980 an de peywendiyê bi rêzên hêzên Pêşmergeyên Kurdistanê re‌ kiriye. Li kongreya dehem ya di sala 1989 an de bi endamê komîteya navendî de hatiye hilbijartin û nûnerê kongreyên yazdehe‌m ya di sala 1993 û 12. de bûye. Di sala 2010 li kongreya 13. de bi endamê encumena serkirdayetiya Partiya Demokrata Kurdistanê de hatiye hilbijartin.

Jiyanname

Qadir Qeçax di sala 1962 an de li bajarê Dihokê ji dayik bûye. Derçûyê pola çarem ya amadehiyê ye. Di salên ( 2001 - 2005 ) an de Birêveberê Asayîşa Giştî ya Herêma Kurdistanê bûye. Şarezayê zimanên Kurdî û Farisî ye.

Xebatname

Qadir Qeçax di sala 1979 an de peywendiyê bi rêzên Partiya Dêmokrata Kurdistanê û di sala 1980 an de peywendiyê bi rêzên hêzên Pêşmergeyên Kurdistanê re kiriye. Di salên ( 1980 - 1991 ) an de koçberê Komara Îslamî ya Îranê bûye.

Di dema kar kirinê da li rêzên Partiya Dêmokrata Kurdistanê de, çendîn erk û berpirsiyariyan wergirtiye. Wekî berpirsê lîjneya navçeya Nexede 1984, berpirsê lîjneya navçeya Xebat ya ser bi lîjneya leqa yek 1985, berpirsê beşa kargêrî ya mekteba siyasî 1986, kargêrê lîjneya leqa yek 1986, berpirsê lîjneya navçeya Dihok ya di sala 1987, Cîgirê berpirsê lîjneya leqa du 1989, endamê mekteb li mekteba ragihandinê 1991, Cîgirê berpirsê lîjneya leqa yek ( 1991 - 1994 ), berpirsê lîjneya leqa neh ya Akrê ( 1994 - 1999 ), berpirsê lîjneya leqa deh ya Soran 1999, berpirsê mekteba rêxistina Pêşmerge 2001, berpirsê lîjneya leqa yek 2004, berpirsê peymangeha kadîr 2007, berpirsê lîjneya leqa 17 di sala 2018, berpirsê peymangeha kadîr 2023.  

Di sala 1987 an de beşdariyê li şerê Spîrêz û girtina sengerên Girê Germava ya li tixûbê parêzgeha Dihokê da kiriye. Di sala 1988 an de wekî fermande beşdariyê li destana Dêrelok ya li tixûbê parêzgeha Dihokê de kiriye û li şerê gundê Şetuns de birîndar bûye.

Li kongreya dehem ya di sala 1989 an de bi endamê komîteya navendî hatiye hilbijartin û nûnerê kongreyên 11. ya di sala 1993 û 12. bûye û di sala 2010 an de li kongreya 13. di bi endamê encumena serkirdayetiya Partiya Dêmokrata Kurdistanê hatiye hilbijartin, di kongreya Çardehem ya sala 2022 bûye endamê yedek.

Çavkanî:

1- Arşîva Desteya însîklopediya Partiya Dêmokrata Kurdistanê.