Di sala 1983 bûye berpirsê rêxistina Xebat ya li navçeya Zaxo. Li sala 1988 piştî lehiya operasyona Enfalê û kîmyabarankirina navçeya Behdînanê çûye Bakûrê Kurdistanê û li wir jî ew veguhestine wargeh û kempa penaberan ya li Amedê(Diyarbekir). Piştî serhildan û raperîna Başûrê Kurdistanê ya li sala 1991 vegeriyaye nav rêzên hêzên Pêşmerge û bûye berpirsê kertê Bêrsiyav. Di sala 1992 bûye Fermandeyê Leşkerê Yek ya Zaxo, li sala 1994 jî bûye Fermandeyê Betalyonê.

Hacî Xidir Omer li şerê Aluk û Serteng ya li sala 1978 de beşdariyê kiriye û li şerê 14 ê 12(Kanûna Duyema) 1978 da birîndar bûye. Di sala 1983 li şerê Ketîne ya li çiyayê Qendîlê de beşdarbûye û li 22 ê Eylûla 1983 duyemîn car birîndar bûye, sala 1984 dema artêşa Iraqê êrîşî ser lîjneya navçeya Zaxo kir, beşdariyeke çalak li berevanîkirinê de hebû û li 01 ê Eylûla 1984 sêyemîn caran birîndar bûye. Di heman salê û di dema beşdarîkirina şerê Pêge ya gundê Avgeniyê li 26ê Kanûna Yekema 1987 cara çarem birîndar bûye. Her wiha li şerên berevaniya li şerîet li 12ê Tişrîna Yekema 1992 û 28 ê Tişrîna Duyema 1992 di dema beşdarbûna şerên devera Zaxo û li Serê Dêrê du carên din jî birîndar bûye. Di kongreya 13 ê sala 2010 ji aliyê Serok Mesûd Barzanî ve bi madalya Barzaniyê Nemir ve hatiye xelatkirin. Niha li Artêşa Yek ya Şingalê, bi pileya Amîd, Fermandeyê Hêze.

Çavkanî:

1. Arşîva Desteya Ansîklopediya Partiya Dêmokrata Kurdistanê.