esayetiyê serbazî û siyasetmedar Ekber Heyder Musa, bi navên (Ekber Suremêrî û Ekber Suremêriyê Xaneqînî), hatiye nas kirin. Di sala 1960 an de peywendiyê bi rêzên Partiya Dêmokrata Kurdistanê re kiriye. Di sala 1963 an de peywendiyê bi rêzên hêzên Pêşmergeyên şoreşa Eylûlê re kiriye. Nûnerê kongreya hefte‌‌m 1966، nehem 1979, dehem 1989 û diwazdehem 1999 ê Partiya Dêmokrata Kurdistanê bûye û di sala 1993 li kongreya yanzdehe‌m da bi endamê yedegê komîteya navendî ya Partiya Dêmokrata Kurdistanê û di sala 2010 an de li kongreya sêzdehe‌m da bi endamê yedegê encumena serkirdayetiya Partiya Dêmokrata Kurdistanê hatiye hilbijartin û hilgirê madalya Barzaniyê Nemire.

Jiyanname

Ekber Heyder sala 1943 li Diyale ji dayik bûye, qonaxa seretayî û navendiyê li Xaneqînê temam kiriye. Di sala 1992 li xula yekem da bi endamê Encumena Niştimaniya Kurdistanê li ser lîsta Partiya Dêmokrata Kurdistanê hatiye hilbijartin û endamê lîjneya Pêşmerge ya li Encumena Niştimaniya Kurdistanê bûye. Di sala 1998 çûye komara Awusturya û paşê li Norwecê heta demekê maye. Şarezayê zimanên Kurdî, Farisî, Erebî, Norwêcî û Îngilîzî ye.

Xebatname

Ekber Heyder di sala 1960 an de peywendiyê bi rêzên Partiya Dêmokrata Kurdistanê û di sala 1963 peywendiyê bi rêzên hêzên Pêşmergeyên şoreşa Eylûlê re kiriye û heman salê beşdariya şerê Kurmur ya li Qeredaxê ser bi parêzgeha Silêmaniyê dijî hêzên bejayî yên Iraqê re kiriye.

Di sala 1963 li xula yekema Akademiya serbaziya şoreşa Eylûlê hatiye wergirtin û piştî salekê xula yekema Akademiya Serbazî maye û temam kiriye û pileya mulazimê duyem wergirtiye. Di sala 1965 ji aliyê Dezgeha Asayîşa Hikûmeta Iraqê ve bi tometa beşdariya şoreşa Eylûlê, fermana xiyabî ji bo sêdaredana wî hatiye derxistin‌. Piştî wê demê ve wekî kadir û fermandeyeke serbazî bi diyar derketiye û çendîn pile û pêgehên serbazî wergirtiye û beşdariya çendîn şer û rûbirûbûnên serbazî yên dijî artêşa Iraqê de kirine.

Nûnerê kongreyên heftem 1966, nehem 1979, dehem 1989 û diwazdehem 1999 ya Partiya Dêmokrata Kurdistanê bûye û di sala 1993 li kongreya yazdehem da bi endamê yedegê komîteya navendî ya Partiya Dêmokrata Kurdistanê û di sala 2010 li kongreya sêzdehe‌m da bi‌ endamê yedegê encumena serkirdayetiya Partiya Dêmokrata Kurdistanê hatiye hilbijartin. Di sala 1975 piştî şikesta şoreşa Eylûlê bi penaberî çûye welatê Îranê û di sala 1980 an de bûye kargêrê lîjneya leqa sê ya Partiya Dêmokrata Kurdistanê û di sala 1981 endamê mekteba serbazî ya Partiya Dêmokrata Kurdistanê bûye.

Di sala 1991 li raperîna Başûrê Kurdistanê ji aliyê Bereya Kurdistanî ve bûye Fermandeyê Mîhwerê Xaneqînê û beşdariyê li azad kirina bajaroka Xaneqînê da kiriye. Di sala 1992 li xula yekem da bi endamê Encumena Niştimaniya Kurdistanê li ser lîsta Partiya Dêmokrata Kurdistanê hatiye hilbijartin û Endamê Lîjneya Pêşmerge ya li Encumena Niştimaniya Kurdistanê (Parlemena Kurdistanê) bûye.

Di sala 2003 bûye Cîgirê Berpirsê Lîjneya Leqa Panzdeh ya Partiya Dêmokrata Kurdistanê û di sala 2010 bûye berpirsê leqa panzdeh û heman salê ji ber xebat û berxwedana wî ya li şoreşa Eylûlê, şoreşa Gulan û Raperîna Başûrê Kurdistanê û qonaxa serweriyê de, ji aliyê Serok Mesûd Barzanî ve madalya Barzaniyê Nemir wergirtiye.

Çavkanî:

Arşîva Desteya însîklopediya Partiya Dêmokrata Kurdistanê.