Di sala 1967 peywendiyê bi hêzên Pêşmergeyên şoreşa Eylûlê re kiriye û li leqa Balek bûye Pêşmerge. Heta sala 1970 li wir li erkê Pêşmergeyetiyê de berdewam bûye. Di sala 1970 li Lîjneya Navçeya Balek bi Mihemed Emîn Reşkê re bûye. Piştî peymana 11 ê Adara sala 1970 bûye pasevanê tixûb ya li devera Rewandizê. Di sala 1974 piştî destpêkirina şerê di navbera Hikûmet û Hêzên Pêşmergeyên şoreşa Eylûlê, Ehmed Birno vegeriyaye nav rêzên Pêşmerge ya hêza Karox ku bi Fermandeyî ya Seyid Selîm bû. Paşê ji bo Qesrê hatiye veguhestin û li Berde Zerd ya li nêzîk gundê Rayat bûye pasevanê Baregeha Barzanî.

Di sala 1976 piştî destpêkirina Şoreşa Gulanê çûye bajarê Kerec û bi Îdrîs Barzanî re hevdîtinek encam daye. Paşê bi Erîf Ehmed û Mihemed Rewandizî û Mistefa Elyas re peywendiyê bi hêzên Pêşmerge ya bi fermandeyî ya her yek ji Mulazim Yunis Rojbeyanî û Hemîd Efendî ya li devera Sîdekan kiriye. Li binkeya Geliyê Gosta li pişt deşta Berazgirî ya nahiye ya Sîdekan ya ser bi parêzgeha Hewlêrê bi Hemîd Efendî re bûye. Paşê binkeya wan ji bo Bêrkim ya li devera Sîdekan hatiye veguhestin.

Di sala 1991 piştî raperîna xelkê Başûrê Kurdistanê, Ehmed Birno li devera Sîdekan bûye. Paşê bi Hemîd Efendî û Nîhad Barzanî re binkeya xwe veguhestine navçeya Peyman ya li Pîrmam. Ji wir jî ji bo yekîneya 43 ya Fermandeyî ya Helgurd li Soranê hatiye veguhestin.

Ehmed Birno li jiyana xwe ya Pêşmergeyetiyê da li çendîn şeran da beşdar bûye. Wekî şerê Korek, şerê Serçiya, şerê Çiyayê Pîran, şerê Sîdekan û sala 1988 destana Xwakurk û carek jî birîndar bûye. Li 28 ê Gulana 2013 ji aliyê Serok Barzanî medalya Barzanî wergirtiye. Li 3 ê Tebaxa sala 2019 ji ber nexweşiyê ve koça dawî kir û li goristana Diyana bi axê hate spartin.

Çavkanî:

1. Arşîva Desteya Însîklopediya Partiya Dêmokrata Kurdistanê.