شەهید عەبدوڵڵا ئەحمەد لە ساڵی 1934 لە گوندی سازێ سەر بە قەزای ئاڵتون کۆپری پارێزگای هەولێر لە دایکبووە. جووتیار بووە و خەریکی کشتوکاڵ و ئاژەڵداری بووە. عەبدوڵڵا ئەحمەد هاوسەرگیری لەگەڵ سەعدیە نوری کردووە و خاوەنی کوڕ و کچێک بووە.
ساڵی 1963 پەیوەندی بە شۆڕشی ئەیلولەوە کردووە و بووەتە پێشمەرگە لە فەوجی 1ی سیوان، بە فەرماندەیی هێما سور حسێن، لە هێزەکانی ڕزگاریخوازی پارتی دیموکراتی کوردستان.
لە ساڵی 1965 عەبدوڵڵا ئەحمەد و هاوڕێکەی حەمێ ساڵح لە نزیک ناحیەی پیرد کەوتنە بۆسەی سوپای عێراق. دوای ئەو شەڕە عەبدوڵڵا ئەحمەد شەهید بوو و حەمێ ساڵحیش بە برینداری ڕزگاری بوو.
سەرچاوە:
- ئەرشیفی کۆمیتەی ئینسایکلۆپیدیای پارتی دیموکراتی کوردستان.
