Siyasetmedar Ako Omer Mistefa, bi navê (Ako Çawşîn), hatiye nas kirin. Di sala 1981 an de peywendiyê bi rêxistinên Partiya Dêmokrata Kurdistanê û piştî salekê peywendiyê bi rêzên hêzên Pêşmergeyên Kurdistanê re kiriye. Nûnerê kongreya dehem 1989 û yazdehem 1993 ya Partiya Dêmokrata Kurdistanê bûye û di sala 2010 li kongreya sêzdehem da bi endamê yedegê encumena serkirdayetiya Partiya Dêmokrata Kurdistanê hatiye hilbijartin.
Jiyanname
Ako Çawşîn di sala 1964 an de li Silêmaniyê ji dayik bûye, derçûyê qonaxa amadeyî ye, di sala 1992 li ser lîsta Partiya Dêmokrata Kurdistanê bi qaymeqamê Qeladizê ya li tixûbê parêzgeha Silêmaniyê li Hikumeta Herêma Kurdistanê de hatiye damezrandin. Şarezayê zimanên Kurdî, Erebî û Farisî ye.
Xebatname
Di sala 1981 an de peywendiyê bi rêxistina Partiya Dêmokrata Kurdistanê û di sala 1982 an de peywendiyê bi rêzên hêzên Pêşmergeyên Kurdistanê re kiriye. Di sala 1983 an de beşdariyê xuleke hewalgiriya serbazî ya li derveyê welat de kiriye. Di sala 1987 li êrîşa artêşa Iraqê ya li şerê Şarbajêr ya li tixûbê parêzgeha Silêmaniyê da bi dijwarî birîndar bûye. Di sala 1988 an de beşdariya destana Xwakurk ya li tixûbê parêzgeha Hewlêrê dijî êrîşa artêşa Iraqê de kiriye û heman salê koçberî welatê Îranê bûye.
Nûnerê kongreyên dehem 1989 û yazdehem 1993 ya Partiya Dêmokrata Kurdistanê bûye û di sala 2010 li kongreya sêzdehem da bi endamê yedegê encumena serkirdayetiya Partiya Dêmokrata Kurdistanê hatiye hilbijartin.
Di sala 1991 wekî fermande û Pêşmerge beşdariyê li raperîna Başûrê Kurdistanê ya li dijî sazî û damûdezgehên partiya Be'es de kiriye. Di sala 1992 an de li ser lîsta Partiya Dêmokrata Kurdistanê bi qaymeqamê Qeladizê ya li tixûbê parêzgeha Silêmaniyê li Hikûmeta Herêma Kurdistanê de hatiye damezrandin. Di sala 2014 li şerê dijî bi Da'îş de yarîdederê fermandeyê mîhwerê Xazir ya li tixûbê parêzgeha Dihokê bûye.
Di dema kar kirinê da wekî kadir çendîn pile û postên hizbî li astên cûda cûda de birêvebiriye û li sala 2022 bi biryara mekteba siyasî bûye berpirsê rêxistina cemawerî û pîşeyiyên Partiya Dêmokrata Kurdistanê.
Çavkanî:
1- Arşîva Desteya însîklopediya Partiya Dêmokrata Kurdistanê.
