Wesû Hemed Law bi nasnav Wesû Hemed Law di sala 1952an de li gundê Guwanê yê navçeya Diyana ya ser bi parêzgeha Hewlêrê ji dayîk bûye, zewicî bû û du keç û kurek ên wî hebûn.
Di sala 1968’an de tevî birayê xwe Ebdulwahîd tevlî Hêzên Pêşmergeyên Kurdistanê dibe, di Tabûra Seyîd Asî ya Hêza Balek de bû pêşmerge, di şerên Çiyayê Zozikê, Sertîz û Geliyê Omer Axa de beşdar bûye.
Di sala 1974an de piştî destpêkirina şer û pevçûnên di navbera Hêzên Pêşmerge û Partiya Beis de, Wesû Hemed Law careke din çeka Pêşmerge hildide û Kurdistanê diparêze, di 17'ê Nîsana 1974'an de bi birayê xwe yê mezin Ebdulwahid Hemed Law, pismamê xwe û çend xizmên xwe re di şerê Çiyayê Gorezê yê li nêzî gundê Balekiyanê yê navçeya Diyana de şehîd ketin.
Ji ber rewşa şer û bomberdûmana tank û topên dijmin nekarîn cenazeyên şehîdan li gundê Guwanê veşêrin, ji ber vê yekê li gundê Sîtkanê hatin veşartin.
Çavkanî:
Arşîva Desteya Insîklopediya Partiya Dêmokrat a Kurdistanê.
