Kesayetiya yasanas û siyasetmedar Şîrîn Îbrahîm Fetah, bi navê (Şîrîn Amêdî), hatiye nas kirin. Di sala 1983 an de peywendiyê bi rêzên Partiya Dêmokrata Kurdistanê re kiriye, nûnera kongreya dehem 1989 an bûye û li kongreyên yazdehem 1993 û diwazdehem 1999 an de bi endamê komîteya navendî û li kongreya sêzdehem 2010 an de bi endamê encumena serkirdayetiya Partiya Dêmokrata Kurdistanê hatiye hilbijartin.
Jiyanname
Şîrîn Amêdî di sala 1967 an de li bajarê Dihokê ji dayik bûye, di sala 1986 an de li kolêja çandinî ya Zanîngeha Musilê hatiye wergirtin û heman salê bi mebesta xwe parastina ji zilamên dezgehên hewalgirî ya Hikûmeta Iraqê çûye navçeyên azadkirî. Piştî wê yekê bawernameya bekaloryosa yasa bi dest aniye. Di sala 2004 an de wekî xwendekara mastera yasa li Zanîngeha Selahedîn - Hewlêrê hatiye wergirtin. Şarezaya zimanê Kurdî, Erebî, Farisî û Îngilîzî ye.
Xebatname
Şîrîn Amêdî di sala 1983 an de peywendiyê bi rêzên Partiya Dêmokrata Kurdistanê re kiriye. Di sala 1988 an de piştî enfala Behdînan, çûye welatê Tirkiye û heta demekê li wargeha Geverê nîştecîh bûye û paşê li sala 1989 an de çûye welatê Îranê û wekî penaber li wir jiyana xwe bi ser biriye.
Nûnerê kongreya dehem 1989 an de bûye û li kongreyên yazdehem 1993 û diwazdehem 1999 an de bi endamê komîteya navendî û li kongreya sêzdehem 2010 an de bi endamê encumena serkirdayetiya Partiya Dêmokrata Kurdistanê hatiye hilbijartin.
Di sala 1991 vegeriya ye Başûrê Kurdistanê û peywendiyê bi rêzên Yekîtiya Afretên (Jinên) Kurdistanê re kiriye û di salên ( 1992 - 2007 ) Sekreterê Yekîtiya Afretên Kurdistanê bûye.
Çavkanî:
Arşîva Desteya Însîklopediya Partiya Dêmokrata Kurdistanê.
