Şehîd Resul Rustem Mihemed li sala 1932 li nahiyeya Qeladizê ya ser bi qezaya Pişder ya parêzgeha Silêmanî ji dayik bûye, nîştecihê Qeladizê bûye û mijûlî bazirganiya di nava bazar de bûye. Asta xwendewariya wî seretayî bûye. Resul Rustem xêzandar bû û xwediyê du xêzanan bûye bi navên Merwet Mihemed û Hemîn Rehman û xwediyê şeş kur û heşt keçan bûye. Resul Rustem kurekî bi navê Feqe Resul li sala 1988 hatiye sêdare dan û şehîd kirin. Her wiha ji ber bombebarana balafirên cengî yên rejîma Be'es li ser wargeh û nîşîngeha Zêwe ya li welatê Îranê li sala 1985 du kurên wî bi navên Merîwan Resul û Şoreş Resul şehîd bûne û keçeke bi navê Pîroz Resul bi dijwarî birîndar bûye.

Li sala 1974 peywendiyê bi Şoreşa Îlonê ve dike û dibê Pêşmerge li betalyona Berî Mergey ya ser bi hêza Kawe ya Partiya Dêmokrata Kurdistanê ku li wê demê de Usu Zidey fermandeyê betalyonê bû. Li sala 1974 beşdariya destana Kêwe Reş kiriye. Li piştî rûbirûbûna li gel serbazên rejîma wê demê ya Iraqê fîşek ber Resul Rustem ketiye û gelek bi dijwarî birîndar bûye, hevsengerên wî ji bo wergirtina çareseriyê wî vediguhezin nexweşxaneya bajarê Tehranê welatê Îranê, piştî du mehan mayina li nexweşxaneyê û wergirtina çareseriyê ji ber dijwariya birîna wî Resul Rustem şehîd dibê û li goristana Genî Bêwranî ya ser bi bajarê Serdeştê welatê Îranê bi axê spartine. Heman demê de li gel birîndarbûna Şehîd Resul Rustem li destana Kêwe Reş hevsengereke wî ya bi navê Hacî Barzanî şehîd bûye û hevsengereke dinê bi navê Serdar Pişderî bi dijwarî birîndar bûye.

Çavkanî:

1. Arşîva Desteya Insîklopediya Partiya Dêmokrata Kurdistanê