Endazyar û siyasetmedar Nazenîn Mihemed wisu, di sala 1973 an de peywendiyê bi rêzên Yekîtiya Qutabiyên (Xwendekarên) Kurdistanê re kiriye, nûnerê kongreya yanzdehem 1993 û endamê lîjneya amadekarê kongreya diwanzdehem ya sala 1999 ê Partiya Dêmokrata Kurdistanê bûye û di sala 2010 li kongreya sêzdehem da bi endamê encumena serkirdayetiya Partiya Dêmokrata Kurdistanê hatiye hilbijartin, hilgirê madalya Barzaniyê Nemire.
Jiyanname
Nazenîn Mihemed wisu di sala 1958 an li bajarê Hewlêrê ji dayik bûye. Di sala 1973 an de qonaxa piştî navendiyê li bajarê Hewlêrê temam kiriye û di sala 1979 bekaloryosa endazyariya şaristanî li zanîngeha Silêmaniyê wergirtiye. Di sala 1980 an de wekî endazyar li fermangeha rê û baniyên Hewlêrê hatiye damezrandin û di sala 1992 Birêvebera Avadan kirina Hewlêrê bûye û di sala 1995 bûye Birêvebera Giştî ya Avadan kirina Hewlêrê û di sala 1996 û li kabîneya sêyem da bûye birîkara wezîrê avadan kirin û geşepêdanê û di sala 1999 an li kabîneya çarem ya Hikûmeta Herêma Kurdistanê da bûye Wezîra Kar û Nîştecîh kirinê û di sala 2004 bûye Wezîra Avadan kirin û Nîştecîh kirinê, di sala 2006 li kabîneya pêncem da bûye Wezîrê Şaredariyê.
Xebatname
Di salên (1961 - 1972) li ber çalakiyên ramyariyên bavê wê, malbata wê ji Başûrê Iraqê hatiye dûr xistin, di sala 1973 an de peywendiyê bi rêzên Yekîtiya Qutabiyên (Xwendekarên) Kurdistanê re kiriye.
Nûnera kongreya yanzdehem 1993 û endamê lîjneya amadekarê kongreya diwanzdehem 1999 ya PDK bûye û di sala 2010 li kongreya sêzdehem da bi endamê encumena serkirdayetiya Partiya Dêmokrata Kurdistanê hatiye hilbijartin.
Di sala 2011 an de bûye yarîdedera berpirsê mekteba rêxistina Partiya Dêmokrata Kurdistanê û di sala 2014 an de bûye Cîgira Berpirsê Mekteba Rêxistinê, li 16 ê tebaxa 2018 an de ji ber çalakiyên li serdema serweriyê de, ji aliyê Serok Mesûd Barzanî ve madalya Barzaniyê Nemir wergirtiye.
Çavkanî:
Arşîva Desteya însîklopediya Partiya Dêmokrata Kurdistanê.
