Şehîd Mihemed Elî di sala 1949an de li gundê Karêze yê Xalxalanê yê navçeya Şuwan ya parêzgeha Kerkûkê ji dayîk bûye, gundî bû û bi cotkariyê re mijûl dibû, heta dibistana seretayî xwendiye, di sala 1980ê de koçî parêzgeha Kerkûkê dike û li taxa Rehîmawe bi cih dibe, Mihemed Elî bi Cewahir Kerîm re zewicî bû û pênc kur û pênc keçên wî hebûn.
Di sala 1986ê de tevlî Şoreşa Gulanê dibe û di nav hêza Xalxalanê ya liqa sêyemîn a Partiya Dêmokrat a Kurdistanê de bûye pêşmerge, di bin fermandariya Çetoyê Mela Reşîd de beşdarî çalakiyên Partîzanî li herêmê bûye, her jiber wê yekê di sala 1987an de pileya serpel di wê hêzê de wergirt.
Di 19'ê Adara 1991'an de bi komek hevalên xwe re derbasî nava Kerkûkê bû ji bo xwe amadekirin û xwe nêzîkirin ji baregehên rejîma Beis, êrîşî navenda ciwanan a wê demê ya li parêzgeha Kerkûkê kirin, lê ji bo ku baştir xwe amade bikin vekişiyan, li goristana Taxa Rehîmawe ji aliyê hêzeke mezin a rejîma Beis ve hatin dorpêçkirin û piştî şer û pevçûnan Mihemed Elî şehîd bû.
çavkanî:
- Arşîva Desteya Insîklopediyê ya Partiya Dêmokrat a Kurdistanê.
