Fetah Gulî li sala 1943 li bajaroka Batîfa ya ser bi qeza Zaxo ya parêzgeha Dihokê ji dayik bûye. Di sala 1961 qonaxa navendî li Zaxo temam kiriye. Di sala 1975 piştî şikesta şoreşa Eylûlê koçberî welatê Îranê bûye û li bajarê Nexede ya Rojhilatê Kurdistanê nîştecîh bûye. Paşê ji bo komelgeha Rebet û ji wir jî ji bo komelgeha Sera û Nîlufer ya li Kirmaşanê û ji wir ve jî ji bo Kirmanê hatiye veguhestin. Di sala 1979 vegeriyaye Zêwe û heta sazkirina kongreya nehem ya Partiya Demokrata Kurdistanê li wir Pêşmerge bûye. Li roja 24 ê hezîrana sala 2007 ji ber nexweşiyê koça dawî kir û li warê bav û kalên xwe li bajaroka Batîfa bi axê hate spartin.
Di sala 1959 peywendiyê bi rêzên Yekîtiya Qutabiyên (Xwendekarên) Kurdistanê re kiriye. Di sala 1961 peywendiyê bi hêzên Pêşmergeyên şoreşa Eylûlê re kiriye û li Betalyona Elî Halo bûye Pêşmerge. Di sala 1964 bûye kadîrê Betalyonê. Di sala 1968 ji bo hêza Helgurd hatiye veguhestin ku hêzekî destweşên bûye û bi Fermandeya Silêman Hacî Bedrî li navçeyên Qesrê û Hacî Omeran û erkê îdare kirina hêzê wergirtiye û heta sala 1975 li wê hêzê de bûye.
Di sala 1980 bûye Berpirsê Lîjneya Navçeya Zaxo li Leqa Yek. Di sala 1981 ji bo navçeya Dihokê hatiye veguhestin. Di sala 1985 bûye berpirsê Lîjneya Navçeya Amêdî. Di sala 1986 erkê berpirsiyariya Lîjneya Navçeya Dihokê wergirtiye û sala 1987 bûye berpirsê Lîjneya Navçeya Şêxan. Di sala 1988 piştî operasyona berfireha Enfal û kîmyabaran kirina devera Behdînan, Ebubekir Osman Mihemed bi komek hevalên xwe yên din re çûye devera Doskî ya Jor û li wir maye.
Di sala 1991 piştî serhildan û raperîna Başûrê Kurdistanê vegeriya ye Başûrê Kurdistanê û li bajarê Dihokê nîştecih bûye. Di sala 1992 bûye berpirsê Bereya Kurdistanî ya li devera Dihokê û heman demê de berpirsê Lîjneya Navçeya Dihokê bûye. Li dawiya heman salê bûye Fermandeyê Leşkerê Yek ya Zaxo. Di sala 1993 bûye Kargêrê Leqa Yek û Berpirsê Beşa Serbazî ya Leqê. Di sala 1995 bûye Fermandeyê Hêzê Zêrevanî ya li Dihokê. Di sala 1999 yek ji endamên şanda Partiya Demokrata Kurdistanê bûye ku ji aliyê welatê Suudiye ve hatibûn vexwendin û beşdariya rêwresma Heciyan kir. Di sala 2001 û piştî damezrandina Leqa Heşt ya li Zaxo, Fetah Gulî erkê Cîgirê Berpirsê Leqê wergirt.
Nav bihurî li jiyana Pêşmergeyetiyê da beşdariya çendîn şeran kiriye. Di şerê Hesin Pîrka li sala 1980, şerê Geliyê Dihokê li sala 1982, şerê Geliyê Zawîte li sala 1982, şerê Dêr Gijîng li sala 1984, şerê Sutkê li sala 1987, destana Xwakurk li sala 1988 de beşdar bûye.
Li 16 ê Tebaxa 1996 li 50 saliya salvegera damezrandina Partiya Dêmokrata Kurdistanê de ji ber wan xizmetên ku pêşkêşî Kurd û Kurdistanê û rêbaza Barzanî kiriye, ji aliyê Serok Mesûd Barzanî ve madalya Barzanî wergirtiye.
Çavkanî:
1. Arşîva Desteya Ansîklopediya Partiya Dêmokrata Kurdistanê.
