Şehîd  Fatih Enwer Wadî di sala 1948an de li gundê Hesarê yê navçeya Şuwanê ya parêzgeha Kerkûkê ji dayîk bûye, gundî bû û bi cotkarî û ajalvaniyê re mijûl dibû.

Di sala 1965’an de tevlî Şoreşa Îlonê dibe û di Tabûra 2 ya Axceler ser bi hêza Rizgarî ya Partiya Dêmokrat a Kurdistanê (PDK) de bi fermandariya Hacî Şêx Qadir bûye pêşmerge, di Şoreşa Îlonê de beşdarî şerê Çemçemal, Şuwan û Tebe Kurê bûye.

Di sala 1968’an de Fatih û çend hevalên xwe li ber deriyê Çemçemalê ketin kemîna artêşa wê demê ya Iraqê, piştî pevçûnan Fatih şehîd ket û rêhevalekê wî bi navê Ehmed Elî bi giranî birîndar bû û hevalên wî Ehmed Elî bi birîndar rizgar kir, lê termê Fatih di destê leşkerên Iraqê de ma, piştre ji aliyê leşkerên Iraqê yên wê demê ve cenazeyê Fatih bi maşîneyê di nava Çemçemalê de hat kaşkirin, Fatih Enwer yek ji wan şehîdan e ku gora wî ne diyar e.

çavkanî:

- Arşîva Desteya Insîklopediyê ya Partiya Dêmokrat a Kurdistanê.