Yasanas û siyasetmedar Evîn Tahîr Îbrahîm, bi navê (Evîn Hirurî), hatiye nas kirin, di sala 1990 an de peywendiyê bi rêzên Partiya Dêmokrata Kurdistanê re kiriye. Di sala 2010 li kongreya sêzdehem da bi endama encumena serkirdayetiya Partiya Dêmokrata Kurdistanê hatiye hilbijartin û bûye yarîdederê berpirsê mekteba navendî ya rêxistiniya Partiya Dêmokrata Kurdistanê.
Jiyanname
Evîn Hirurî di sala 1974 li Dihokê ji dayik bûye, di sala 2008 bekaloryosa yasa li beşa yasa û ramyarî ya li zanîngeha Dihokê wergirtiye. Şarezayê zimanên Kurdî û Farisî ye.
Xebatname
Di sala 1975 piştî şikesta şoreşa Eylûlê bi malbata xwe re wekî penaber çûne welatê Îranê û di sala 1990 an de peywendiyê bi rêzên Partiya Dêmokrata Kurdistanê re kiriye û di sala 1998 vegeriya ye Başûrê Kurdistanê û wekî kadîr li rêxistina Partiya Dêmokrata Kurdistanê de kar kiriye. Di sala 2007 bûye berpirsa encumena Yekîtiya Afretên (Jinên) Kurdistanê ya li parêzgeha Dihokê.
Di sala 2010 li kongreya sêzdehem da bi endamê encumena serkirdayetiya Partiya Dêmokrata Kurdistanê hatiye hilbijartin û bûye yarîdedera berpirsê mekteba navendî ya rêxistiniya Partiya Dêmokrata Kurdistanê. Di sala 2022 û li kongreya Çardehem da bi Endamê komîteya navendî ya Partiya Dêmokrata Kurdistanê hatiye hilbijartin.
Çavkanî:
Arşîva Desteya însîklopediya Partiya Dêmokrata Kurdistanê.
