Şehîd Ebubekir Mehmud Heme Şerîf Letîf Li jiyana Pêşmergeyetiyê de carek bi dijwarî birîndar bûye û pileyên wî Cîgirê Serleq li şoreşa Eylûl û Fermandeyê Betalyon û Endamê Lîjneya Navçeyê li şoreşa Gulan de wergirtiye û di sala 1981 an de Ebubekir Mehmud şehîd bûye.
Ebubekir Mehmud Heme Şerîf Letîf, di sala 1943 an de li gundê Banî Binokî ya qeraxa çiyayê Surên ya ser bi nahiye ya Xurmal ji dayik bûye. Gundnişîn bûye û heta qonaxa seretayî yê xwendiye. Piştî şikesta şoreşa Eylûlê koçberî welatê Îranê bûye û li bajarê Merîwanê nîştecîh bûye. Xêzandar bûye û navê xêzana wî Kafiye Mihemed bûye û bi xanima xwe re li çiyayan Pêşmerge bûye û piştî şehîdbûna wê Ebubekir zêdetir beşdariya çalakiya kiriye û li 20 ê tişrîna yekem ya sala 1986 an de Kafiye û desteyek hevsengerên wê ji bo çalakiyeke partîzanî xwestine biçin Seyid Sadiq, lê belê li derveyê tixûbê Ehmed Awa ketine nava kemîneke serbazî ya rejîma Be'es û Kafiye û hevsengereke xwe yê bi navê Mihemed Ferec şehîd bûne û Enwerê Hacî Osman bi dijwarî birîndar bûye. Xwediyê çar kur û keçek bûye û navên wan Fazil û Qadir û Şaxewan û Dilşad û keça wî Çinur. Dilşad li koçberiyê de li welatê Îranê koça dawiyê kiriye.
Di sala 1969 an de bûye Pêşmergeyê Lîjneya Navçeya Derbendîxan ya Leqa Çar ya Partiya Dêmokrata Kurdistanê ku li wê demê de Mela Omerê Banî Binokî yê birayê wî berpirsê navçeyê bûye. Di sala 1974 an de li şoreşa Eylûlê de beşdariya çendîn şeran kiriye. Hinek ji wan şerê Sertîz û şerê Derbendîxan û şerê çiyayê Zimnako ye. Di sala 1974 an de pileya Cîgirê Serleq ya 4 ê Betalyona Bemo ya ser bi hêza Xebat ya Partiya Dêmokrata Kurdistanê wergirtiye ku li wê demê de Ehmed Çeqjî Serleqê wî bûye û Hemesur Hisên Fermandeyê betalyonê bûye.
Di sala 1975 an de piştî şikesta şoreşa Eylûlê bi malbata xwe re dest bi çek bernedaye û li ser tixûb berdewamiyê bi xebata Kurdayetiyê daye. Li Şoreşa Gulanê de beşdariya çalakiyên partîzanî yên deşta Şarezûr, çalakiyên partîzan yên li nav bajarê Silêmanî û şerê Şarbajêr û şerê gundê Kolîte û şerê gundê Qaynêce ya Şarezûr û şerên Helepçe û komek destan û pevçûnan de beşdar bûye.
Di sala 1979 an de bi desteyek hevsengerên xwe re ji bo çalakiyeke girîngê partîzanî çûne nav bajarê Silêmaniyê. Piştî encamdana çalakiyê û vegerana wan ya li nêzîkî gundê Qewîle ya deşta Şarezûrê ketine nav kemînekê û hejmareke zêdeyê serbaz û cehşên rejîma Be'esê û li encamê da çend hevsengereke wî şehîd bûne û Ebubekir Mehmud Heme Şerîf û Osman Banîşarî bi dijwarî birîndar bûne û bi birîndarî xwe ji kemînê derbas kirine.
Di sala 1979 an de pileya Fermandeyê Betalyonî ya hêza Surên ya Partiya Demokrata Kurdistanê wergirtiye. Di sala 1980 an de pileya endamê Lîjneya Navçeya Derbendîxan ya ser bi Leqa Çar ya Partiya Demokrata Kurdistanê wergirtiye.
Di sala 1981 an de hêzeke zêdeyê serbaz û cehşên rejîma Be'esê êrîşeke berfireh kirine ser sengerên Pêşmerge yên li ser tixûbê Îranê û Kanî Xeyaran û Dolenawê û li encama rûbirûbûnê de Ebubekir Mehmud bi dijwarî birîndar bûye, lê belê sengerê wî nehatiye dagîr kirin û hêza Be'es vekişayeye. Paşê balafirên cengî yên rejîmê bi çekên 60 tîrî sengera wan bombebaran kirine û Ebubekir Mehmud Heme Şerîf bi birîndarî çend fîşekeke 60 tîrî li ber ketiye û şehîd bûye. Paşê hevsengerên wî termên wî veguhestine bajarê Merîwan ya welatê Îranê û li goristana Dasêwan li tenîşt gora Dilşadê kurê xwe bi axê hatiye spartin.
Çavkanî:
1. Arşîva Însîklopediya Partiya Dêmokrata Kurdistanê
