şehîd Ebdulwahîd Hemed Law bi navê )Ebdulwahîd Hemed Law), hatiye naskirin, di sala 1946 li gundê Giwanî ya ser bi nahiye ya Diyana ya parêzgeha Hewlêrê ji dayik bûye. Xêzandar bûye û xwediyê du kur û çar keçan bûye.
Di sala 1964 peywendiyê bi rêzên Partiya Dêmokrata Kurdistanê re kiriye, pileyên hizbî derbaskiriye û dawiyê de bûye Endamê Lîjneya Navçeya Rewandizê. Heman salê de peywendiyê bi hêzên Pêşmergeyên Kurdistanê re dike. Li betalyona Seyid Asî ya ser bi hêza Balek dibê Pêşmerge. Her demeke zû de dibê Ser leq û li heman Betalyonê piştî peymana 11 ê Adara 1970 ya di navbera Partiya Dêmokrata Kurdistanê bi Serokayetiya Mela Mistefa Barzanî û Partiya Be'es de hate wajo kirin, Ebdulwahîd Hemed Law li karê rêkxistina li tixûbê Lîjneya Navçeya Rewandizê de berdewam dibe.
Di sala 1974 piştî destpêkirina şerê di navbera Hêzên Pêşmerge û Partiya Be'es de, Ebdulwahîd Hemed Law dûbare çekê Pêşmergeyetiyê hildigrê û berevaniyê li axa Kurdistanê dike. Di 17 ê Nîsana 1974 li şerê Çiyayê Gorez ya li nêzîkî gundê Balekiyan ya nahiye ya Diyana, ew bi xwe û bira û pismameke xwe û çend kesek ji xizmên xwe ve tê şehîd kirin.
Ji ber rewşa şer û hebûna bombebarana tank û topên dijmin nedikarîn termê şehîdan ji gundê Giwan bi axê bispêrin. Ji bo wê yekê li gundê Sîtkan bi axê hatin spartin.
Çavkanî:
1. Arşîva însîklopediya Partiya Dêmokrata Kurdistanê
