Şehîd Ebdula Reza Ebdulrehman Celîl bi navê (Şêx Ebdula), hatiye nas kirin, li sala 1937 an de li gundê Şêxan ya Şêx Bizênî ya ser bi nahiye ya Axceler ji dayik bûye. Gundnişîn bûye û karê cotkariyê re mijûl bûye. Li xwendinê de asta seretayî li medrese û hucreyên Şêxên Şêx Bizênî de temam kiriye. Ebdula Reza xwediyê du xêzanan bû bi navên Se'diye Necîm û Se'diye Elî û xwediyê şeş kur û du keçan bûye bi navên Fatîh, Nasîh, Serdar, Serwet, Saman, Serwer, Necîbe û Hacer. Di sala 1975 an de piştî şikesta şoreşa Eylûlê koçberî welatê Îranê bûye û li bajarê Şino yê nîştecîh bûye.
Li operasyona sêyem ya Enfalê ya li meha 3 ya sala 1988 an de ya li devera Germiyan, Se'diye Elî yê xêzana wî û çar kur û yek keçên bi navên Serdar, Serwet, Saman, Serwer û Necîbe li ber operasyona Enfalê ketine û heta niha jî wenda ne.
Şehîd Ebdula Reza li sala 1954 an de peywendiyê bi Hacî Şêx Qadir Berpirsê Rêxistina Partiya Dêmokrata Kurdistanê ya li devera Germiyan û Kerkûk re kiriye û bûye endamê rêxistina nihênî ya Partiya Dêmokrata Kurdistanê. Li sala 1956 ji ber çalakiyeke rêxistinî ve li nahiye ya Axceler hatiye destgîr kirin û paşê ji bo saziya emnî ya Çemçemal û paşê jî ji bo feyleqa Kerkûkê hatiye veguhestin. Her wiha piştî du salan zîndanî kirinê li sala 1958 an de hatiye azad kirin. Li sala 1962 an de peywendiyê bi rêzên Pêşmergeyên şoreşa Eylûlê re kiriye û li Leqa Yek ya Betalyona Du ya Axcelerî bi Fermandeyî ya Şehîd Erîf Îsmaîl ya li hêza Rizgarî ya Partiya Dêmokrata Kurdistanê de bûye Pêşmerge.
Beşdariya şerên şoreşa Eylûlê, wekî şerê Çinartu Axceler, Çemî Rêzan, Xalxalan, Şerê Xaneqîn, Derbendîxan û şerê Hacî Umeran de kiriye. Li sala 1964 an de pileya Serpelî ya li Leqa Yek ya Betalyona Du ya Axcelerê wergirtiye û li sala 1967 an de bûye berpirsê nivîsîngeha (Mekteba Eskerî) Serbazî ya Leqaî Yek ya wê Betalyonê.
Şehîd Ebdula Reza li sala 1977 an de li koçberiyê de dûbare bûye Pêşmergeyê Şoreşa Gulanê û peywendiyê bi Leqa Sê ya Partiya Dêmokrata Kurdistanê kiriye. Li heman demê de pileya kargêrî ya Lîjneya Navçeya Şiwanî ya ser bi Leqa Sê wergirtiye.
Li meha hezîrana sala 1979 an de Ebdula Reza û 11 hevsengerên xwe yên bi fermana serê wan bi xwe û Welîd Ebu Şiwarb şandine nahiye ya Meydanî ya ser bi qeza ya Xaneqînê, ji bo rêgirtina wan malbatên Erebên ku li deverê ku bi mebesta Ereb kirina Kurdistanê hatibûn nîştecîh kirin. Ebdula Reza û hevsengerên wî du helmetan li du demên cûda de bi serkeftiyane encam dane. Lê belê di dema vegerana wan ya helmeta sêyem de û li roja 7 ê hezîrana 1979 an de ji aliyê Emna Giştî ya Be'es ve li Xaneqînê rê mînrêj kiribûn û li encamê da mîn bi otombêlê wan de teqiye û Ebdula Reza û her 11 hevsengerên xwe şehîd bûne. Paşê ji aliyê kadîrên Partiya Dêmokrata Kurdistanê ve li wê deverê laşê wan veguhestine welatê Îranê û ji aliyê serkirdayetiya PDK û malbata wî ve li bajarê Şino ya welatê Îranê bi axê hatine spartin.
Çavkanî:
1. Arşîva Însîklopediya Partiya Dêmokrata Kurdistanê
