Sedema lidarxistina civînê
Di 11’ê Sibata 1979’an de, piştî serhildana gelên Îranê, Rejîma Paşayatî li wî welatî hilweşiya û Komara Îslamî kete şûna wê, serkirdayetiya Partiya Dêmokrata a Kurdistanê (PDK) karî peywendiyên baş ligel desthilata nû ya Îranê dirust bike, ji sala 1974ê ve hejmareke zêde ya penaberên Başûrê Kurdistanê li wî welatî bûn, di destpêka sala 1979an de bûyereke din a diltezîn mirina Serok Mistefa Barzanî bû, Serok Barzanî piştî çar salan penaberiyê di 1ê Adara 1979an de li Amerîkayê koça dawî kir û roja 4ê Nîsana heman salê termê wî bo Îranê hat vegerandin û li bajarê Şino yê Rojhilatê Kurdistanê hat veşartin.
Rewşa ku guherînên herêmê bi giştî û mirina Serok Mistefa Barzanî li ser rêxistinên PDK’ê pêk anî bû, civîneke berfireh û lezgîn pêwîst bû, ji bo vê mebest ê di destpêka Tîrmeha sala 1979ê de, serkirdayetiya demkî ya Partiya Demokrat a Kurdistanê (PDK) li gundê Şawane li bakurê bajarê Şino yê Rojhilatê Kurdistanê, civîneke berfireh lidarxist, di civînê de çend biryarên girîng hatin girtin, ya herî girîng jî hilbijartina Mesûd Barzanî wek serokê demkî yê Partiya Demokrat a Kurdistanê (PDK) bû, heta kongreya nehê û hilbijartina Samî Ebdulrehman wek sekreterê giştî yê Partiyê, Her wiha ji bo asayîkirina peywendiyan li gel Partiya Demokrat a Kurdistana Îranê û domandina peywendiyên digel Komara Îslamî ya Îranê li dijî rejîma Iraqê, bi şertê ku PDK nexwaze destêwerdanê di karûbarên navxweyî yên Kurdistana Îranê de bike, di civînê de Mesûd Barzanî daxwaz kir ku bilez kongreya nehemîn heya havîn an payîza sala 1979ê were lidarxistin, lê Samî Ebdulrehman û komeke din di wê baweriyê de bûn ku divê kongre heta bihara sala 1980 were paşxistin, heta ku bernameya nû ya partiyê bi temamî di nav penaber û rêxistinên Partiyê de li Îranê bi cih were, di dawiyê de biryar hat dayîn kongre di roja ku ji aliyê Mesûd Barzanî ve hatiye pêşniyarkirin de were lidarxistin.
Di encama civînê de ji bo kongreya nehemîn a PDK’ê komîteyek amedekar hat destnîşankirin, komîte jî ev bûn:
1. Elî Ebdullah
2. Îd1rîs Barzanî
3. Mihemed Mela Qadir
4. Reşîd Sindî
5. Arif Teyfûr
6. Kerîm Şengalî
7. Wirya Saati
Çavkanî:
1.Mohsin Dzeyî, Westgehên Jiyana Min, Beşa 3 û Dawî, (Hewlêr - Çapxaneya Mukurianî - 2015).
2.Roznamêhê kêyhan, şomarêhê 10751, Têhran, 16’tîrmahê 1358, 7’Têmozh 1979.
3.Roznamêhê Bamdad, şomarêhê 53, Têhran, 17’tirmahê 1358, 8’ Temozeh 1979.
4.Samî Ebdulrehman, Hizb El-şeib El-dîmoqratî El-Kurdistanî, El-bedîl El-sewrî fî 1981. Elihereke El-teheroriye El-kurdiye, El-teqrir El-siyasî Lil-mutemer El-tesîsî Lil-hizb El-Şeib El-dîmoqratî El-kurdistanî, 26-30 Temoz 1981.
6.Mihemed Mela Qadir, Xebatname, Kurte Dîroka PDK û Barzaniyê Nemir, Çapa Sêyem, (Hewlêr- Çapxaneya Aras- 2012).
