Jiyanname
Aras Hiso Mîrxan di sala 1968 an li bajarê Silêmaniyê ji dayik bûye. Di sala 1993 bekaloryos û sala 1996 master û di sala 1998 an de Doktoraya Dermansaziyê li Zanîngeha Esfehan ya li welatê Îranê wergirtiye. Di sala 2009 an de masterê kargêriyê ji Zanîngeha Lubnanî - Fransî li Hewlêrê bi dest ve aniye. Di salên (2000 - 2001) li kabîneya çarem da bûye birêveberê giştî Rewşenbîrî û Ragihandina Wezareta Pêşmerge û di salên (2002 - 2011) Birêveberê Giştî yê Dîwana Çavdêrî û Darayî ya Hikûmeta Herêma Kurdistanê bûye. Şarezayê zimanên Kurdî, Farisî, Tirkî û Îngilîzî ye.
Xebatname
Aras Hiso Mîrxan di sala 1975 an de piştî şikesta şoreşa Eylûlê bi malbata xwe re koçberî Îranê bûye. Di sala 1982 an de peywendiyê bi rêzên Yekîtiya Qutabiyên (Xwendekarên) Kurdistanê û di sala 1988 an de peywendiyê bi rêzên hêzên Pêşmergeyên Kurdistanê re kiriye û li destana Xwakurk de beşdariyê kiriye.
Di sala 1995 an de bûye fermandeyê betalyona şehîd Elî Hiso û li şerê berevaniya Qesrê li tixûbê parêzgeha Hewlêrê de birîndar bûye. Di sala 1997 an de li şerê berevaniya li Herêma Kurdistanê ya li devera Amêdiyê ya ser bi parêzgeha Dihokê de duyemîn car birîndar bûye. Di sala 2014 an de beşdariya şerê dijî hêzên Da'îş li bereya Giwêr - Mexmur ya li tixûbê parêzgeha Hewlêrê de kiriye.
Di dema kar kirina li nav rêzên Partiya Dêmokrata Kurdistanê de çendîn erk û berpirsiyariyan wergirtiye. Wekî berpirsê lîjneya navçeya Zanîngehê ya ser bi mekteba siyasî li navbera Qutabiyên (xwendekarên) penaberên zanîngeh û peymangehên Îranê 1990, Cîgirê Berpirsê mekteba rêxistina Pêşmerge (1998 - 2000), endamê mekteb li mekteba Serok (2000 - 2010), berpirsê leqa şanzdeh ya dewrubera Hewlêrê (2011 - 2017), berpirsê dezgeha veberhênan ya PDK 2020 û hwd...
Nûnerê kongreyên yanzdehem 1993 û diwazdehem 1999 bûye û di sala 2010 li kongreya sêzdehem da bi endamê encumena serkirdayetiya Partiya Dêmokrata Kurdistanê hatiye hilbijartin. Di sala 2022 li kongreya çardehem da bi endamê komîteya navendî ya Partiya Dêmokrata Kurdistanê hatiye hilbijartin.
Çavkanî:
Arşîva Desteya însîklopediya Partiya Dêmokrata Kurdistanê.
