Şehîd Yasîn Mihemed Ebdulqadir Murad, li sala 1969 an de li gundê Girde Nazê ya deşta Şarezûrê ji dayik bûye. Gundnişîn bûye û karê cotkariyê re mijûl bûye û heta qonaxa seretayî yê xwendiye.

Di sala 1985 an de li mefrezeya Omer Xemgîn berpirsê rêxistina Xurmal ya ser bi Lîjneya Navçeya Helebçe ya Leqa Çar ya Partiya Dêmokrata Kurdistanê de bûye Pêşmerge. Li heman demê de Omer Xemgîn berpirsê mefrezeya partîzanî ya hêza Surên bûye.

Şehîd Yasîn Mihemed Ebdulqadir Murad, beşdariya şerê Ehmed Awa û şerê Derbendîxan û şerê çiyayê Gulan û çalakiyên partîzanî yên deşta Şarezûr de kiriye.

Di sala 1987 an de Şehîd Yasîn û heft hevsengerên wî êrîşî girtina baregeheke serbazî ya rejîma Be'es ya li gundê Banî Şarî ya ser bi deşta Şarezûr de kirine. Çar dewrê baregeha serbaziyê girtine û piştî ku nêzîkî wê bûne ketine nav kemîna mîn û mayinên çandî û li encamê da Yasîn û hevsengerên wî şehîd bûne. Paşê li rêya çend hevsengerên wî ve termên wan veguhestine Derbendî Dizlî ya axa Îranê û li wir bi axê hatine spartin.

Çavkanî:

1. Arşîva Desteya Însîklopediya Partiya Dêmokrata Kurdistanê