Ne'man Heme Ehmed di sala 1970 an de li gundê Kanîskanî ya ser bi nahiye ya Xurmal ya parêzgeha Helepçeyê ji dayik bûye. Di sala 1978 an de ew bi zorê veguhestine wargeha Şanêr û wê demê xwendekarê qonaxa navendî bûye.

Di sala 1983 an de peywendiyê bi rêxistinên Lîjneya Navçeya Derbendîxan ya ser bi Leqa Çar ya Partiya Demokrata Kurdistanê de kiriye. Di sala 1984 an de çek hilgirtiye û li hêza Surên ya Lîjneya Navçeya Derbendîxan ya ser bi Leqa Çar ya Partiya Demokrata Kurdistanê de bûye Pêşmerge.

Beşdariya şerên gundê Rîşên û şerê Qeredax û şerê Ehmed Awa û şerê Mile Qonere û şerê çiyayê Newê û çalakiyên partîzanî yên deşta Şarezûrê de kiriye.

Di sala 1987 an de li Kilkey Olesimt ya li çiyayê Newê bi hevsengereke xwe yê bi navê Mihemed Heme Newê ketine nav kemîna hêzeke Yekîtiya Niştimaniya Kurdistanê û gelek bi dijwarî birîndar bûne. Di sala 1988 an de li çiyayê Qeredax bi çend hevsengereke xwe ve berketiyê çekên kîmyayî bûne.

Di sala 1988 an de ji bo çalakiyeke partîzanî vegeriya ye nêzîk Seyid Sadiq û li wargeha bi zorê ya Barîke ketiye nava kemîneke serbazî ya Emna Erbet û hatiye destgîr kirin. Di dema destgîr kirinê û heta niha jî hatiye wendakirin û bê serûşûne. Yek ji wan şehîdane ku gora wî wendaye. 

Çavkanî:

1. Arşîva Însîklopediya Partiya Dêmokrata Kurdistanê