Şehîd Heme Salih Ebdulkerîm Mihemed, di sala 1947 an de li gundê Girêze ya ser bi qeza Seyid Sadiq ji dayik bûye. Gundnişîn bûye û karê cotkariyê re mijûl bûye. Piştî şikesta şoreşa Eylûlê koçberî welatê Îranê bûye û li nîşîngeha Derbendî Dizlî nîştecîh bûye. Piştî vegerana wan ya Kurdistanê ji aliyê rejîma Be'es ve ji bo xwarê Iraqê bi zorê hatine veguhestin û li bajarê Dîwaniye hatine nîştecîh kirin. Heme Salih Ebdulkerîm xêzandar bûye û navê xêzana wî Xurşîde Seîd bûye û xwediyê sê kur û keçek bi navên Qadir û Serdar û Selah û Sirwe bûye.

Di sala 1969 an de li Leqa 3 ya betalyona 9 ê şehîd Dilşad de bûye Pêşmerge ku ser bi hêza Xebat ya Partiya Demokrata Kurdistanê bûye ku li wê demê de Şêx Mihemed Basakî Serleqê wî bûye û Fetah Axa fermandeyê betalyonê bûye. Li sala 1974 an de li çiyayê Hesen Begê ya li devera Soran de fîşekek li ber lingê wî yê rastê ketiye û bi dijwarî birîndar bûye.  

Di sala 1979 an de li cem Ebdula Axa dûbare bûye Pêşmerge ku ser bi hêza Hewraman ya Partiya Demokrata Kurdistanê bûye.

Li 4 ê Eylûla 1981 an de piştî encamdana çalakiyeke li deşta Şarezûrê, xwestine biçin gundê Girêze, ji bo bîhnvedaneke kurt û birina hinek pêwîstiyê taybet ji bo çiya, lê belê berî wê yekê ku bigihin gundê Girêze ketine nava kemîneke hêzekî Yekîtiya Niştimaniya Kurdistanê û rûbirûyê wan bûne û li encamê da Heme Salih Ebdulkerîm û Mihemed Ebdulkerîm (Heme Girêzeyî) yê birayê wî şehîd bûne.

Çavkanî:

1. Arşîva Însîklopediya Partiya Demokrata Kurdistanê