Şehîd Mihemed Sadiq li sala 1945 an de li gundê Sêkanî ya ser bi nahiye ya Teq Teq ya parêzgeha Hewlêrê ji dayik bûye. Gundnişîn bûye û mijûlî karê ajaldariyê bûye. Heta qonaxa seretayî xwendiye. Mihemed Sadiq xêzandar bûye û navê xêzana wî Xunçe Seîd e. Xwediyê sê kur û sê keçên bi navên Qadir, Şukir, Sabîr û Gulêxa, Kejê û Kaban bûne.
Di sala 1969 an de peywendiyê bi şoreşa Eylûlê re kiriye û bûye Pêşmerge. Li leqê Nesredîn Mistefa ya ser bi hêza Deşta Hewlêrê ya Partiya Dêmokrata Kurdistanê bûye. Piştî peymana 11 ê Adara 1970 an de Mihemed Sadiq her wekî Pêşmergeyê Baregeha hêza Deşta Hewlêrê dimîne.
Li meha Tebaxa 1974 Mihemed Sadiq û çend hevsengereke xwe ketine ber êrîşa balafirên cengî yên rejîma wê demê ya Iraqê û li nêzîkî gundê Nawpirdan ya li devera Çoman, Mihemed û hevsengereke xwe ku bi navê Gaynêceyî hatiye naskirin şehîd bûne. Paşê ji aliyê gundnişînên wê deverê ve bi axê hatine spartin.
Çavkanî:
1. Arşîva însîklopediya Partiya Dêmokrata Kurdistanê
