Lidarxistina Kongreyê:
Ji bo ku refên xwe ji nû ve birêxistin bike û li gorî rewşa nû tevbigere, Sekreteriya Yekîtiya Qutabiyên Kurdistanê biryara lidarxistina kongreya xwe ya 12. da, ji bo vê jî komîteyeke amadekar hat avakirin û Tîrmeha 2007’an weke jivanê lidarxistina kongreyê hate diyarkirin, di demeke kin de amadekariyên kongreyê ji aliyê komîteya amadekar ve bi dawî bû û endam di rêxistên Liqan de ji bo kongreyê ser ketin, lê ji ber çend sedeman kongre li gorî bernameya xwe nehat lidarxistin û 2 mehan hat paşxistin(1).
Piştî hemû amadekariyan, di 23-24 Îlon 2007 de kongre li hola Pêşewa a bajarê Hewlêrê, bi amadebûna 410 nûnerên hemû rêxistinên liqan, di bin diruşmeya (Zanist û Têkoşîna ji bo Neteweyeke Azad - Ber bi Pêşerojeke Ronahî), bi amadebûna Serok Mesûd Barzanî û Ednan Muftî Serokê Parlamentoya Kurdistanê(2). Fazil Mîranî Sekreterê Mekteba Siyasî ya Partiya Dêmokrata Kurdistanê (PDK), Newzad Hadî Parêzgarê Hewlêrê, Balyozê Firansa li Iraqê û çend mêvanên din dest bi karên xwe kir(3).
Di vê kongreyê de hin guhertin di şertên têkildarî rêxistinên Yekîtiya Qutebiyên Kurdistanê de hatin kirin., weke Liq bo navenda parêzgehê û komîta herêmî bo liqa navçeyê(4).
Piştî xwendina axaftinên beşdaran û amadekirina raporên komîteyên hatine destnîşankirin, Sekreteriya nû ji aliyê endamên kongreyê ve wiha hat hilbijartin:
1- Rênas Cano - Sekreter
2- Herman Mihemed Selîm – Berpirsê Beşa Rêkxistinê, kargêrê Mekteba Sekreteriyê
3- Cebar Hacî Ebdullah - Berpirsê Beşa Amar û Plandanînê, kargêrê Mekteba Sekreteriyê.
4-Şedûman Xelîl – Berpirsê Beşa Pêwendîyan, kargêrê Mekteba Sekretariyê
5- Karwan Mihemed Sabir - Berpirsê Beşa Ragihandinê, kargêrê Mekteba Sekreteratiyê
6- Irfan Ezîz Ezîz - Berpirsê Beşa Werziş û Hunerî, kargêrê Mekteba Sekreteriyê.
7- Ehmed Bijar Fazil – Berpirsê Karûbar û Nûneratiya Qutebiyan, kargêrê Mekteba Sekreteriya
8- Şukriya Teymûr Ehmed – Berpirsa Beşa Rewşenbîrî û Perwerdeyê, kargêra Mekteba Sekreteriyê.
9- Şeyma Mihemed Zahir - Berpirsa Beşa Darayî û Birêvebirî, kargêra Mekteba Sekreteriya
10- Hogar Bayiz Salih - Endamê Beşa Darayî, Endamê Mekteba Sekreteriyê
11- Aryan Selahedîn Esed - Endamê Beşa Karûbar û Nûnertiya Qutebiyan, Endamê Mekteba Sekreteriyê
12- Şivan Hemdî Husên - Endamê Beşa Rêkxistinê, Endamê Mekteba Sekreteriyê.
Endamên yedek yên Sekreteriyê:
1- Enes Eyûb Ebdulrezaq – Endamê Beşa Rêkxistinê, Endamê yedek yê Mekteba Sekreteriyê.
2- Omer Bekir Wesû - Endamê Beşa Rêkxistinê, Endamê yedek yê Mekteba Sekreteriyê.
Çavkanî:
- Irfan Ezîz Ezîz, Kongre û Konferansên Yekîtiya Qutebiyên Kurdistanê, Çapa 1, (Hewlêr-Çapxaneya Rojhelat-2012), r 206.
- Bi çavdêrî û amadebûna Serokê Kurdistanê 12mîn Kongreya Yekîtiya Qutebiyên Kurdistanê dest pê kir, Rojnameya Xebat, organa Partiya Demokrat a Kurdistanê, hejmar 2627, Hewlêr, Duşem, 24.09.2007, r 1.
- Irfan Ezîz Ezîz, çavkaniya berê, r 207.
- - Rapora encamên kongireya 12. ya Yekîtiya Qutebiyên Kurdistanê, Kovara Xebata Qutebiyan, Organa Yekîtiya Qutebiyên Kurdistanê, hejmar 72, Hewlêr, Çapxaneya Rojhelat, Kanûna duyem 2008, r 10-11.
- Heman çavkanî, r 12
