Enwer Heme Emîn Mewlud, di sala 1964 an de li qeza Seyid Sadiq ya ser bi parêzgeha Silêmaniyê ji dayik bûye. Niştecihê Seyid Sadiq bûye û xwediyê dikaneke li nava bazar de bûye. Heta qonaxa seretayî yê xwendiye. Piştî şikesta şoreşa Eylûlê koçberî welatê Îranê bûye û li bajarê Seryaz nîştecîh bûye. 

Di sala 1978 an de li beşa rêxistinî ya hêza Surên ya Lîjneya Navçeya Derbendîxan ya ser bi Leqa Çar ya Partiya Demokrata Kurdistanê de bûye Pêşmerge. Paşê ji bo betalyona şehîd Ebubekir Banî Binokî hatiye veguhestin û bûye nivîskarê betalyonê. Paşê vegeriyaye baregeha hêz û pileya rêberê siyasî ya hêza Surên wergirtiye û bûye serpereştyarê milê nihênî ya li nav qeza ya Seyid Sadiq. 

Di şerê Benzînxaneya Seyid Sadiq û şerê çiyayê Seyid Sadiq û şerê Siyamêwe û şerê Dalanî û Mile Xurd û çalakiyên partîzanî yên deşta Şarezûrê de beşdariyê kiriye.

Li 30 ê tişrîna yekem ya sala 1981 Enwer Heme Emîn Mewlud ji bo bi cîh anîna kareke rêxistinî çûye nav qeza Seyid Sadiq, piştî encamdana karê xwe û vegeranê de ketiye nav kemîneke hêzekî Yekîtiya Niştimaniya Kurdistanê û şehîd bûye.   

Çavkanî:

1. Arşîva Ansîklopediya Partiya Demokrata Kurdistanê