Cemal Eskender Mehmud, di sala 1965 an de li gundê Banî Binokî ya qeraxa çiyayê Surên ya ser bi nahiye ya Xurmal ji dayik bûye û heta qonaxa navendî yê xwendiye. Ji ber sedema Pêşmergebûna bavê wî û tevahiya malbata wî li şoreşa Eylûlê û piştî şikestê jî destberdar nebûna wan ji çek û berdewamî kirina bi xebata Kurdayetiyê, li ser tixûbê di navbera Îran û Iraqê li 1 ê sIbata 1976 an de tevahiya zarok û jinên malbata wan ji aliyê rejîma wê demê ya Iraqê ve hatine destgîr kirin û li girtîxaneya Nasiriye heta 3ê tebaxa 1978 an zîndanî bûne.
Di sala 1979 li mefrezeya Eskender Mehmudî yê bavê xwe de bûye Pêşmerge ku di dema xwe de ser bi betalyona şehîd Ebubekir Banî Binokî yê mamê wî bûye û ser bi hêza Surên ya Lîjneya Navçeya Derbendîxan ya Leqa Çar ya Partiya Demokrata Kurdistanê de bûye û li wê demê de Mela Omerî Banî Binok fermandeyê wê hêzê bûye.
Beşdariya çalakiyên partîzanî yên deşta Şarezûrê û qeraxa çiyayê Surên û şerê Şarbajêr û şerê Girdî Şerîfî ya Şarezûrê û şerê Helepçe û şerê Nalparêz û şerê gundê Qaynêce ya Şarezûrê de kiriye. Li sala 1981 an de li şerê Şarbajêr ya bi rejîma wê demê ya Iraqê de fîşekek li ber ketiye û bi dijwarî birîndar bûye.
Li 3 ê tebaxa 1982 an de bi desteyek hevsengerên xwe re çûne qeza Seyid Sadiq ji bo encamdana çalakiyeke partîzanî. Piştî vegerana wan li wargeha bi zorê ya Şanêrî de ketine nava kemîna cehş û serbazên rejîma Be'esê û piştî şer û rûbirûbûna wan Cemal Eskender Mehmud fîşekek li ber ketiye û şehîd bûye. Her wiha hevsengereke wê yê dinê bi navê Ehmed Sane bi dijwarî birîndar bûne.
Çavkanî:
1. Arşîva Însîklopediya Partiya Demokrata Kurdistanê.
