Cemal Elî Reşîd bi navê (Cemalê Mela Elî), hatiye nas kirin. Li 10 ê nîsana 1950 an de li gundê Wilesimtî ya qeraxê çiyayê Surên ya ser bi qeza Seyid Sadiq ji dayik bûye. Gundnişîn bûye û bi karê cotkariyê re mijûl bûye. Heta qonaxa seretayî yê xwendiye û piştî şikesta şoreşa Eylûlê koçberî welatê Îranê bûye û li bajarê Merîwanê nîştecîh bûye.

Di sala 1964 an de bûye kadirê rêxistina Surên ya ser bi Lîjneya Navçeya Derbendîxan ya Leqa Çar ya Partiya Dêmokrata Kurdistanê ku li wê demê de Elî Şawês berpirsê wê rêxistinê bûye. Li 1 ê nîsana 1976 an de li hêza Surên ya Partiya Dêmokrata Kurdistanê de bûye Pêşmerge ku li wê demê de Mela Omerê Banî Binok fermandeyê wê hêzê bûye.

Beşdariya şerên Şîremer ya sala 1979 û şerê Rîşên ya sala 1980 û şerê Bêselmên ya sala 1980 û şerê Qeladizê ya sala 1981 an de kiriye û çalakiyên partîzanî ya deşta Şarezûrê de beşdariyê kiriye û diyartirîn çalakiya wan şewitandina binkeya Polîsên Seyid Sadiq bû bi RPG yan ya li sala 1979.

Cemalê Mela Elî li jiyana Pêşmergeyetiyê de du caran birîndar bûye. Li sala 1979 an de li şerê Şîremer de ku rûbirûbûn û şerê bi serbazên rejîma Be'esê re bû, bi dijwarî birîndar bûye çend perçeyeke topên dûravêtinê li ber rûyên wî ketine. Li sala 1981 an de li şerê Qeladizê de ku her rûbirûbûn û şerê serbazên Be'esê bû fîşek li ber milê wî yê çepê ketibû û duyem car li jiyana Pêşmergeyetiya xwe de birîndar bûye.

Li dawiya sala 1976 an de pileya fermandeyê mefrezeyê wergirtiye û li destpêka sala 1981 an de pileya fermandeya betalyona pênc ya hêza Surênê wergirtiye û li hezîrana 1981 an de pileya fermandeya hêza Surên ya Partiya Demokrata Kurdistanê wergirtiye.

Li 20 ê tebaxa 1981 an de Cemalê Mela Elî û mefrezeyekî çend kesî ya hevsengerên xwe yên li baregeha Siyamêwe ya qeraxa Surênewe re çûne deşta Şarezûrê ji bo encamdana çend çalakiyeke partîzanî ya li deşta Şarezûrê. Lê belê li 23 ê tebaxa 1981 an de li gundê Nawgirdan ya deşta Şarezûrê de ketine nava kemîneke hêzeke Yekîtiya Niştimaniya Kurdistanê û piştî pevçûn û rûbirûbûna wan Cemalê Mela Elî û çend hevsengereke xwe yên bi navên Cebar Mihemed Şerîf û Ehmed Banîşarî û Cebarê Hacî Şerîf û Salihê Xale şehîd bûne.

Çavkanî:

1. Arşîva Însîklopediya Partiya Dêmokrata Kurdistanê.