Şehîd Cebar Kakexan Elakerem, bi navê Cebar Hemexan û Cebarê Reş hatiye nas kirin û di sala 1963 an de li gundê Memenawe ya ser bi nahiye ya Nalparêz ya qeza Pênciwênê ji dayik bûye. Gundnişîn bûye û karê cotkariyê re mijûl bûye. Xwendina qonaxa seretayî yê li gundê Perezan temam kiriye û ji bo berdewamiya bi xwendina qonaxa navendî çûye qeza Seyid Sadiq.
Li destpêka xwendina qonaxa navendî ya li Seyid Sadiq de, peywendiyê bi rêxistinên rêxistina Surên ya li Lîjneya Navçeya Derbendîxan ya ser bi Leqa Çar ya Partiya Dêmokrata Kurdistanê re kiriye ku li wê demê de Sabîrî Elakerem berpirsê rêxistina Surên bûye.
Cebar ji ber encamdana çend çalakiyekê demeke kurt de eşkere bûye û ji bo wê yekê li sala 1979 an de çûye çiya û li betalyona şehîd Ebubekir Banî Binokî ya ser bi hêza Surên ya Lîjneya Navçeya Derbendîxan de bûye Pêşmerge.
Beşdariya şerên Rezle û Parezan ya di sala 1981 an û şerê qeraxa çiyayê Surên û şerê Qeredax û şerê Gulan û çalakiyên partîzanî yên deşta Şarezûrê de kiriye.
Li 15 ê temuza 1982 an de Cebar û pênç hevsengerên wî li navbera gundê Newê û Kanêskanî ya ser bi qeza Xurmal, ketine nava kemîn û devereke mayinkirî û mînên çandî û li heman demê de jî êrîşa serbazî ya rejîma Be'esê. Di destpêkê de mîn bi hevsengerekî wî yê bi navê Kemal da diteqê û birîndar dibe û bi vê yekê jî eşkere dibin û têne fîşekbaran kirin û Cebar çend fîşekek li ber dikeve û şehîd dibe. Her wiha ew bi xwe û Hesenê birayê wî û Kemal dûbare birîndar dibin, lê belê bi birîndarî xwe rizgar kirine.
Çavkanî:
1. Arşîva Însîklopediya Partiya Dêmokrata Kurdistanê.
