Jiyanname

Piştîwan Sadiq Ebdulla di sala 1969 an de li Hewlêrê ji dayik bûye. Bavê wî li şoreşa Eylûlê da, li Hêza Sefîn de Pêşmerge bûye û di sala 1968 an de li nêzîkî bajaroka Pîrmam ya ser bi parêzgeha Hewlêrê hatiye şehîd kirin‌.

Di sala 2005 bawernameya master‌ û di sala 2012 Doktora li yasaya giştî ya li Zanîngeha (Selahedîn - Hewlêr) ê wergirtiye û li heman zanîngehê jî navbihurî mamosta ye. 

Li sala 2014 li kabîneya heştem da bûye Wezîrê Perwede û di sala 2019 an de li kabîneya nehem da jî bûye Wezîrê Ewqaf û Karubarê Olî ya li Hikûmeta Herêma Kurdistanê. Piştîwan Sadiq Ebdula zimanên Kurdî, Erebî û Ingilîzî dizane.

Xebatname

Piştîwan Sadiq di sala 1986 an de peywendiyê bi rêzên Partiya Demokrata Kurdistanê re kiriye û di sala 1991 li raperîna Başûrê Kurdistanê de beşdar bûye û peywendiyê bi rêzên hêzên Pêşmerge re kiriye û li hêza Korek de xebatê kiriye.

Li 16 ê kanûna yekem ya 1991 li xula nehem ya Peymangeha Kadîrê Partiya Dêmokrata Kurdistanê li bajaroka Pîrmam de hatiye wergirtin û serkeftiyane xulê temam kiriye. Di sala 1993 bi Kargêrê Lîjneya Navçeya Beranetî ya ser bi Lîjneya Leqa Du ya Hewlêrê ya Partiya Dêmokrata Kurdistanê - Yekgirtî hatiye destnîşan kirin û heman salê nûnerê kongreya yanzdehem ya Partiya Dêmokrata Kurdistanê bûye. Di sala 1996 an de bûye Berpirsê Lîjneya Navçeya Beranetî û di sala 1998 an de bûye Berpirsê Lîjneya Navçeya Du ya Hewlêrê ya ser bi Lîjneya Leqa Du.

Di sala 1999 Nûnerê Kongreya Diwanzdehem ya Partiya Dêmokrata Kurdistanê ya li bajarê Hewlêrê bûye û di sala (2000 - 2004) bi Kargêrê Lîjneya Leqa Du hatiye destnîşan kirin. Di sala 2005 mamostayê waneya teror ya li xula yanzdehem ya Peymangeha Pêgihandina Kadîrên Partiya Dêmokrata Kurdistanê bûye.

Di salên (2005 - 2008) bûye Berpirsê Lîjneya Leqa Du ya Partiya Dêmokrata Kurdistanê li Hewlêrê û di sala 2010 li Kongreya sênzdehe‌m da bi Endamê Encûmena Serkirdayetiya Partiya Dêmokrata Kurdistanê hatiye hilbijartin. Di sala 2022 li Kongreya Çardehem da bi Endamê Komîteya Navendî û li yekemîn civîna Komîteya Serkirdayetiyê de bi Endamê Mekteba Siyasiya Partiya Dêmokrata Kurdistanê hatiye hilbijartin û bûye Berpirsê Mekteba Rêxistinê ya Parêzgeha Dihokê.

Berhemên wî:

Ezmûna Kurdistanê li Berevaniya Terorê da 2006.

El Irhab fî zu alqanun aldewlî 2006, - ji sê ber‌gan pêkhatiye.

Eltecrube al Amerîkîye alahurbî - al irhabî fî mukafehe Alarhab.

Nehu tasîs dewle Kurdistan 2013.

Prensîpên mafê mirovan.

Çavkanî:

1- Dîroka xulên kadîrên PDK, ji çiya heta bajar, (Hewlêr ـ Navenda Nirxandin û Lêkolînê û Akademiya PDK  ـ Çapxaneya Rojhilat 2019).

Dîroka Partiya Demokrata Kurdistanê, kongre û konferans (Program û peyrewa navxweyî), Desteya Ansîklopediya Partiya Demokrata Kurdistanê, bergê duyem, (Hewlêr - Çapxaneya Roksana - 2021).

Şeban Elî Şeban, hinek zanyariyên siyasî û dîrokî, çapa sêyem, (Hewlêr ـ Çapxaneya Rojhilat 2013).

Leqa Du, Leqa Du li Nîvê sedsaliya têkoşanê da, (Hewlêr ـ Çapxaneya Aras 2010).